altun gollandiyelik tetqiqatchigha «ölüm tehditi» sélinishigha naraziliq bildürdi

türkiye awazi radiyosi xewiri: altun, ammiwi ortaqlishish tor bétidiki sehipiside élan qilghan bayanatida, 13 – noyabir küni istanbuldiki «taksim meydani» da yüz bergen xainlarche térrorluq hujumida shéhit qilinghan yaghmur we ejrinni dunyagha tonushturush meqsitide «‹TRT World› téléwiziye qanili» teripidin teyyarlanghan höjjetlik filim heqqide mundaq dédi: «bölgünchi térrorluq teshkilati p k k/y p g unsurliri teripidin shéhit qilinghan yaghmur we ejrin isimlik qizlirimiz béghishlinip, ‹TRT World› téléwiziye qanili teripidin teripidin teyyarlanghan filimde, bölgünchi térrorluq teshkilati p k k/y p g ning qarangghu yüzini pash qilghan gollandiyelik tetqiqatchi réna nétjésning heqiqetni otturigha qoyushigha chidimighanlar uninggha <ölüm> bilen tehdit saldi. ey gherb elliri! siler himaye qiliwatqan térrorluq teshkilatining heqiqiy mahiyiti mana mushu.»

yaghmur we ejringe béghishlinip teyyarlanghan höjjetlik filimde, bölgünchi térrorluq teshkilati p k k/y p g ning qarangghu yüzi pütkül jahangha pash qilinmaqta.

höjjetlik filimde, gollandiyelik tetqiqatchi réna nétjés, «istiqlal kochisi» da yüz bergen térrorluq hujumining xaraktérining süriyening shimalidiki bölgünchi térrorluq teshkilati  y p g/p y d ning hujumlirigha oxshap kétidighanliqini tekitlimkte.

u, ammiwi ortaqlishish tor bétidiki sehipiside, mezkur  höjjetlik filimning élan qilinishidin kéyin, süriyening shimalidiki bölgünchi térrorluq teshkilati p k k/y p g ning sehipiliri teripidin özige qaritilghan tehditlerning köpiyip kétiwatqanliqini eskertip mundaq dégenidi: «hazir jamaetchilikke heqiqiy ehwalni otturigha qoyushning del waqti yétip keldi. men ölüm tehditlirige duch kéliwatimen. p y d ning tetür teshwiqatlirini pash qilghanliqim üchün bedel tölewatimen.»