erdoghan: dölitimiz we xelqimizge xizmet qilidighan yashlash üchün purset yaritip bériwatimiz

türkiye awazi radiyosi xewiri: jumhur reis erdoghan, istanbulda ötküzülgen ilahiyet penliri cholpanlirini mukapatlash murasimida qilghan sözide,  her bir yashning muweppeqiyitini, türkiyening parlaq yüz yilini berpa qilish sepirini yorutup béridighan meshel dep qaraydighanliqlirini, bu angni chöridigen halda,  türkiyening eng chong  sermayisi bolghan yash ewladlargha qimmet hem töhpe qoshidighan her xil layihelerni qollashni özlirining muqeddes burchi dep bilidighanliqlirini tekitlidi.

weten, millet we ümmetke paydiliq shexslerni yétishtürüshke tirishiwatqan hemme adem, barliq organ we ammiwi teshkilatlarning intayin muhimliqini eskertken erdoghan, mundaq dep körsetti: «yashlirimizni özgiche ang we özige xas tesewwurgha érishtüridighan paaliyetlerge sahib chiqish bizning eng muhim wezipimizdur. hazirghiche bolghinidek, xudayim buyrisa, kelgüsidimu siler bilen birlikte dölitimizdiki barliq yashlarni qollashni izchil dawamlashturimiz.»

yéqinqi 20 yilda yolgha qoyghan démokratiye we tereqqiyat islahatlirining türtkiside, türkiyede zor bösüsh hasil qilghanliqlirini bayan qilghan erdoghan, méhnet qilish, ishlepchiqirish, nishanigha yétish, élimiz we xelqimizge xizmet qilishni xalaydighan yashlar üchün türlük pursetlerni yaritip bériwatqanliqlirinimu sözlirige ilawe qildi.