erdoghan qaradéngizda yéngi gaz zapisining bayqalghanliqini élan qildi

türkiye awazi radiyosi xewiri: rejep tayyip erdoghan paytext enqerede jumhur reislik mehkimside ötküzülgen kabént yighinidin kéyin, xelqqe xitab qildi.

u türkiyening peqet özi üchünla mudapie sanaiti mehsulatlirini ishlepchiqiridighan we layiheleydighan dölet bolushtin halqighanliqini bildürüp: «künséri éshiwatqan éksportimiz netijiside, pütkül dunyada mudapie sanaiti mehsulatlirimiz bilen nam qazanghan orungha kelduq» dédi.

u kéler yili (2023) xewpsizlikte, térrorluqni menbeside yoqitish istratégiyesini jenubiy chégralar boyiche qetiy ijra qiilshni dawamlashturidighanliqlirini tekitlep: «bolupmu, süriyedin dölitimizge qaritilghan tehditlerni üzül-késil yoqitish üchün, chégradin 30 kilométir uzunluqtiki bixeterlik liniyemizdiki boshluqni tügitish üchün yéngi qedemlerni tashlaymiz» dédi.

u qaradéngizda 58 milyard kubmétirliq yéngi tebiiy gaz zapisi bayqalghanliqi toghrisida xush xewer bérip, qara déngizdiki gaz zapisining 710 milyard kubmétirgha yetkenlikini, rayonda bayqalghan tebiiy gazning xelqara bazarlardiki qimmitining 1 tiriliyon dollargha yétidighanliqini qeyt qildi.

u yene, qara déngizda yéngi tebiiy gaz qédirish xizmetlirining dawamlishidighanliqini bildürdi.