әрдоған қарадеңизда йеңи газ записиниң байқалғанлиқини елан қилди

түркийә авази радийоси хәвири: рәҗәп таййип әрдоған пайтәхт әнқәрәдә җумһур рәислик мәһкимсидә өткүзүлгән кабент йиғинидин кейин, хәлққә хитаб қилди.

у түркийәниң пәқәт өзи үчүнла мудапиә санаити мәһсулатлирини ишләпчиқиридиған вә лайиһәләйдиған дөләт болуштин һалқиғанлиқини билдүрүп: «күнсери ешиватқан експортимиз нәтиҗисидә, пүткүл дунйада мудапиә санаити мәһсулатлиримиз билән нам қазанған орунға кәлдуқ» деди.

у келәр йили (2023) хәвпсизликтә, террорлуқни мәнбәсидә йоқитиш истратегийәсини җәнубий чегралар бойичә қәтий иҗра қиилшни давамлаштуридиғанлиқлирини тәкитләп: «болупму, сүрийәдин дөлитимизгә қаритилған тәһдитләрни үзүл-кесил йоқитиш үчүн, чеградин 30 километир узунлуқтики бихәтәрлик линийәмиздики бошлуқни түгитиш үчүн йеңи қәдәмләрни ташлаймиз» деди.

у қарадеңизда 58 милйард кубметирлиқ йеңи тәбиий газ записи байқалғанлиқи тоғрисида хуш хәвәр берип, қара деңиздики газ записиниң 710 милйард кубметирға йәткәнликини, районда байқалған тәбиий газниң хәлқара базарлардики қиммитиниң 1 тирилийон долларға йетидиғанлиқини қәйт қилди.

у йәнә, қара деңизда йеңи тәбиий газ қедириш хизмәтлириниң давамлишидиғанлиқини билдүрди.