türkiye F-16 liri girétsiye qisimlirigha tégishlik inkas qayturdi

türkiye awazi radiyosi xewiri: türkiye jumhuriyiti dölet mudapie ministirliqi bayanat élan qilip, tünügün türkiye hawa armiyesining 14 dane F-16 tipliq urush ayropilani, bir HİK  ayropilani, KC-135 tipliq may toluqlash ayropilani we bir dane CASA tipliq izdesh-qutquzush ayropilanining natoning E3-A AWACS ayropilani bilen birlikte aldin pilanlanghini boyiche ege déngizida nato wezipisini ötigenlikini bildürdi.

bu wezipini orundash üchün 24 saet burun türkiyening natodiki ittipaqdashlirigha melumat bérilgenlikige isharet qilinghan bayanatta: «girétsiye ayropilanliri yene bir qétim nato uchushining aldini almaqchi boldi, hawa armiyemiz ulargha tégishlik inkasni qayturdi. «paket kol» ayropilanliri ege déngizining xelqara hawa boshluqida uchushini dawamlashturuwatqan bir peytte, girétsiyening besh perqliq ayrodurumidin qozghalghan F-16 tipliq ayropilanlar ayropilanlirimizgha radar quluplash arqiliq parakendichilik saldi. girétsiye ayropilanlirining nato wezipilirining aldini élish urunushlirigha qarimay, wezipini muweppeqiyetlik tamamlash üchün uchushni dawamlashturdi. dalaman we aqhisardin qozghalghan 16 ayropilanlirimiz tosush rolini oynap, girétsiye ayropilanlirigha tégishlik inkasni qayturdi. wezipige qatnashqan ayropilanlirimiz wezipisini muweppeqiyetlik tamamlap, bazisigha bixeter qaytip keldi» dégen ibarilerge orun bérildi.