شىرناقتا بىر تېررورچى تەسلىم بولدى
شىرناقنىڭ «جۇدى تېغى» رايونىدا باشلانغان «كۈز – قىش ھەربىي ھەرىكىتى – 17» داۋامىدا بىر تېررورچى تەسلىم بولدى.
تۈركىيە ئاۋازى رادىيوسى خەۋىرى: قوراللىق ئۇچقۇچىسىز ھاۋا ئاپپاراتلىرى ۋە «ئاتاق» ناملىق تىك ئۇچار ئايروپىلانلارنىڭ ياردىمىدە باشلانغان ھەربىي ھەرىكەت داۋامىدا 3 تېررورچى بىر تەرەپ قىلىندى، بىر تېررورچى تەسلىم بولدى.
شۇنىڭ بىلەن، يېقىنقى 3 كۈن ئىچىدە بىر تەرەپ قىلىنغان تېررورچىلارنىڭ سانى 8 گە يەتتى.
ھەربىي ھەرىكەتنى، ئىچكى ئىشلار مىنىستىرى سۇلايمان سويلۇ بىلەن قوراللىق ساقچى قىسىم قوماندانلىق ئىشتابىنىڭ باشلىقى گېنېرال ئارىف چەتىن يېقىندىن كۆزەتتى.
يەنە بىر تەرەپتىن، ئىراقنىڭ شىمالىدا بۆلگۈنچى تېررورلۇق تەشكىلاتى پ ك ك/ي پ گ ئەزاسى ئىككى تېررورچى بىر تەرەپ قىلىندى.
تۈركىيە جۇمھۇرىيىتى دۆلەت مۇداپىئە مىنىستىرلىقى تەرىپىدىن بۇ ھەقتە ئېلان قىلىنغان باياناتتا، مۇنداق دېيىلدى: «قەھرىمان قىسىملىرىمىزنىڭ تېررورچىلارغا قارشى كۈرىشى قەتئىي ئىرادە بىلەن كەسكىن داۋاملاشماقتا. بۇ دائىرىدە، ئىراقنىڭ شىمالىدىكى ‹پەنجە – قۇلۇپ› ھەربىي ھەرىكىتى رايونىدا، بۆلگۈنچى تېررورلۇق تەشكىلاتى پ ك ك/ي پ گ ئەزاسى ئىككى تېررورچى بىر تەرەپ قىلىندى.»
مۇناسىۋەتلىك خەۋەرلەر
تۈركىيە-گىرېتسىيە ئىشەنچ تۇرغۇزۇش يىغىنى ئاتىنادا ئېچىلدى
تۈركىيە-گىرېتسىيە ئىشەنچ تۇرغۇزۇش تەدبىرلىرى يىغىنى ئاتىنا (ئافىنا)دا ئۆتكۈزۈلدى.