алтун: пүткүл дунйа түркийәниң «муқимлаштурғучи күч» икәнликини қобул қилди

җумһур рәислик мәһкмиси учур - алақә ишлири идарисиниң башлиқи фаһрәттин алтун пүткүл дунйаниң түркийәни «муқимлаштурғучи күч» икәнликини қобул қилғанлиқини ейтти.

1916952
алтун: пүткүл дунйа түркийәниң «муқимлаштурғучи күч» икәнликини қобул қилди

түркийә авази радийоси хәвири: җумһур рәислик мәһкмиси учур - алақә ишлири идарисиниң башлиқи фаһрәттин алтун истанбулда чақирилған 6 – нөвәтлик «‹TRT World› мунбири» йиғинида қилған сөзидә, түркийәниң җумһур рәис рәҗәп таййип әрдоғанниң рәһбәрликидә районлуқ киризислар вә йәр шари характерлик ихтилапларниң һәл қилинишиға һәссә қошуватқанлиқини тәкитләп мундақ деди: ««дөлитимиз билән бирликтә районимиздин башлап дунйаниң һәрқайси җайлириға демократийә, тәрәққийат, тинчлиқ вә гүллиниш елип келишни нишан қиливатимиз.»

түркийәниң нөвәттә пүткүл дунйаға үлгә болидиған өзгичә ташқи сийасәт әндизисини йолға қойуватқанлиқини әскәрткән алтун, мундақ дәп көрсәтти: «районлуқ вә йәр шари характерлик актийорға айланған түркийә, нөвәттә пәқәт охшимиған гуруппиларни бир гәвдиләштүридиған көврүк болупла қалмай, йәнә дийалог, сөһбәт вә дипломатийә өтидиған бир йолға айланди.»

у түркийәниң русийә – украина урушида дипломатийә җәһәттин наһайити зор мувәппәқийәтләрни қолға кәлтүргәнликини әскәртип, мундақ деди: «тәхминән 10 ай давамлашқан русийә-украина урушида биз йолға қойған тинчлиқ дипломатийәси, пүткүл дунйаниң түркийәни <муқимлаштурғучи> вә йәр шариниң тинчлиқиға һәссә қошуватқан <йараштурғучи> күч сүпитидә қобул қилғанлиқиниң әң рошән намайәндисидур. түркийәниң шиветсийә вә финландийәниң шималий атлантик әһди тәшкилати-натоға әза болуш илтимаси җәрйанидики тиришчанлиқи, йәршари характерлик терроризмға қарши күрәш намидин муһим вәдиләрниң елиниши вә көрүнәрлик нәтиҗиләрниң қолға кәлтүрүлүшидә түрткилик рол ойниди.»

у йәнә, дунйаниң қутуплишишиниң алдини елишниң муһимлиқини тәкитләш билән бир вақитта, йеңи соғуқ урушларниң алдини елишниң зөрүрлүкиниму сөзлиригә илавә қилди.



مۇناسىۋەتلىك خەۋەرلەر