«‹TRT World› мунбири» йиғини истанбулда башланди

түркийә авази радийоси хәвири: 34 дөләттин 100 гә йеқин нутуқ сөзлигүчиниң иштирак қилишида 6 – нөвәтлики өткүзүлидиған «‹TRT World› мунбири» йиғини,  «келәчәкни шәкилләндүрүш: ениқсизлиқлар, реаллиқлар вә пурсәтләр» темисида, дунйаниң һәрқайси җайлиридин рәһбәрләр, мутәхәссисләр, академиклар вә даңлиқ шәхсләрни бир йәргә җәм қилип, йәр шариви мәсилиләрни музакирә қилиш вә һәл қилиш чариси тепишни нишан қилмақта.

«‹TRT World› мунбири» йиғини, 2020 – вә 2021 – йиллири «ковид – 19» йуқуми сәвәбидин торда өткүзүлгән болуп, аридин икки йил өткәндин кейин, бу йил дунйаниң һәрқайси җайлиридин кәлгән муһим шәхсләрни истанбулда күтүвалмақта.

бүгүн вә әтә өткүзүлидиған паалийәттә, енергийә кризисидин йәр шариви көчмәнләр киризисигичә, йемәклик бихәтәрликидин ислам дүшмәнликигичә болған нурғун мәсилиләр илмий муһакимә вә йумилақ үстәл олтурушлирида музакирә қилиниду.