chawushoghlu: gherbiy trakya türklirini esla yalghuz tashlap qoymaymiz

tashqi ishlar ministiri mewlüt chawushoghlu gherbiy trakya türklirini esla yalghuz tashlap qoymaydighanliqlirini éytti.

1916679
chawushoghlu: gherbiy trakya türklirini esla yalghuz tashlap qoymaymiz

türkiye awazi radiyosi xewiri: ministir chawushoghlu, paytext enqerede, gherbiy trakyadiki az sanliq türkler meslihetchiler heyitini qobul qildi.

chawushoghlu, ammiwi ortaqlishish tor bétidiki sehipiside, bu heqte élan qilghan bayanatida, mundaq dédi: «girétsiye <lozan shertnamisi> we yurtdashlirimizning asasliq kishilik heq – hoquqlirini dawamliq depsende qilmaqta. biz ezeldin  gherbiy trakyadiki az sanliq türklerni yalghuz tashlap qoymiduq, buningdin kéyinmu esla yalghuz tashlap qoymaymiz!»

girétsiyening gherbiy trakyadiki az sanliq türklerning «türk» kimlikini étirap qilmaywatqanliqini eskertken chawushoghlu, girétsiyening az sanliq türklerge tewe mektepler, fondi jemiyetler, uyushmilar we mehelle komitétlirining namida «türk» ibarisining ishlitilishige yol qoymaywatqanliqini, atinaning, az sanliq türklerning  uyushush erkinlikini depsende qiliwatqanliqini qeyt qildi.

yawropa kishilik hoquq sot mehkimisining girétsiyeni bu depsendichilikliri tüpeyli üch qétim eyibligenlikini éytqan chawushoghlu, atina hökümitining uda 15 yildin buyan yawropa kishilik hoquq sot mehkimisining qararlirini ijra qilmaywatqanliqini tekitlep mundaq dédi: «girétsiye az sanliq türklerning özlirining diniy wekillirini saylishigha yol qoymaywatidu. girétsiyening yéngi muptiliq qanuni, 1923-yildiki <lozan tinchliq shertnamisi> ge xilap bolup, bu az sanliq türklerni asasliq kishilik heq - hoquqliridin mehrum qilmaqta. girétsiye gherbiy trakyadiki az sanliq türklerning mal - mülüklirini musadire qilmaqta. girétsiye gherbiy trakyadiki az sanliq türklerni xalighanche iqtisadiy teptish qilish we baj jazasi bérish arqiliq kemsitmekte.»

girétsiyening yéqinqi 15 yilda az sanliq türklerning 90 din artuq bashlanghuch mektipini taqighanliqini we yéngi mekteplirini échishigha yol qoymighanliqini eskertken chawushoghlu, mundaq dep körsetti: «girétsiye az sanliq türklerning mewjut mektep binalirining rémont qilinishigha yaki kéngeytilishige yol qoymaywatidu. girétsiye az sanliq türklerning mektepliride ishlesh üchün yéterlik sandiki türk oqutquchilarning wezipige teyinlinishige tosqunluq qilmaqta. girétsiye yene türkche derslik matériyallirining yéngilinishighimu tosqunluq qilmaqta. qisqisi, bu ishlarni éytip tügetkili bolmaydu.»



مۇناسىۋەتلىك خەۋەرلەر