чавушоғлу: ғәрбий тракйа түрклирини әсла йалғуз ташлап қоймаймиз

ташқи ишлар министири мәвлүт чавушоғлу ғәрбий тракйа түрклирини әсла йалғуз ташлап қоймайдиғанлиқлирини ейтти.

1916679
чавушоғлу: ғәрбий тракйа түрклирини әсла йалғуз ташлап қоймаймиз

түркийә авази радийоси хәвири: министир чавушоғлу, пайтәхт әнқәрәдә, ғәрбий тракйадики аз санлиқ түркләр мәслиһәтчиләр һәйитини қобул қилди.

чавушоғлу, аммиви ортақлишиш тор бетидики сәһиписидә, бу һәқтә елан қилған байанатида, мундақ деди: «гиретсийә <лозан шәртнамиси> вә йуртдашлиримизниң асаслиқ кишилик һәқ – һоқуқлирини давамлиқ дәпсәндә қилмақта. биз әзәлдин  ғәрбий тракйадики аз санлиқ түркләрни йалғуз ташлап қоймидуқ, буниңдин кейинму әсла йалғуз ташлап қоймаймиз!»

гиретсийәниң ғәрбий тракйадики аз санлиқ түркләрниң «түрк» кимликини етирап қилмайватқанлиқини әскәрткән чавушоғлу, гиретсийәниң аз санлиқ түркләргә тәвә мәктәпләр, фонди җәмийәтләр, уйушмилар вә мәһәллә комитетлириниң намида «түрк» ибарисиниң ишлитилишигә йол қоймайватқанлиқини, атинаниң, аз санлиқ түркләрниң  уйушуш әркинликини дәпсәндә қиливатқанлиқини қәйт қилди.

йавропа кишилик һоқуқ сот мәһкимисиниң гиретсийәни бу дәпсәндичиликлири түпәйли үч қетим әйиблигәнликини ейтқан чавушоғлу, атина һөкүмитиниң уда 15 йилдин буйан йавропа кишилик һоқуқ сот мәһкимисиниң қарарлирини иҗра қилмайватқанлиқини тәкитләп мундақ деди: «гиретсийә аз санлиқ түркләрниң өзлириниң диний вәкиллирини сайлишиға йол қоймайватиду. гиретсийәниң йеңи муптилиқ қануни, 1923-йилдики <лозан тинчлиқ шәртнамиси> гә хилап болуп, бу аз санлиқ түркләрни асаслиқ кишилик һәқ - һоқуқлиридин мәһрум қилмақта. гиретсийә ғәрбий тракйадики аз санлиқ түркләрниң мал - мүлүклирини мусадирә қилмақта. гиретсийә ғәрбий тракйадики аз санлиқ түркләрни халиғанчә иқтисадий тәптиш қилиш вә баҗ җазаси бериш арқилиқ кәмситмәктә.»

гиретсийәниң йеқинқи 15 йилда аз санлиқ түркләрниң 90 дин артуқ башланғуч мәктипини тақиғанлиқини вә йеңи мәктәплирини ечишиға йол қоймиғанлиқини әскәрткән чавушоғлу, мундақ дәп көрсәтти: «гиретсийә аз санлиқ түркләрниң мәвҗут мәктәп биналириниң ремонт қилинишиға йаки кеңәйтилишигә йол қоймайватиду. гиретсийә аз санлиқ түркләрниң мәктәплиридә ишләш үчүн йетәрлик сандики түрк оқутқучиларниң вәзипигә тәйинлинишигә тосқунлуқ қилмақта. гиретсийә йәнә түркчә дәрслик материйаллириниң йеңилинишиғиму тосқунлуқ қилмақта. қисқиси, бу ишларни ейтип түгәткили болмайду.»



مۇناسىۋەتلىك خەۋەرلەر