aqar: amérikaning ijabiy qedem tashlishini kütüwatimiz

türkiye awazi radiyosi xewiri: aqar, paytext enqerede dölet ishliri ziyaritide boluwatqan finlandiye dölet mudapie ministiri antti kaykkonén bilen bir yerge jem boldi.

türkiye jumhuriyiti dölet mudapie ministirliqida ishqa ashurulghan ayrim we heyetler ara uchrishishlardin kéyin, ikki ministir qoshma axbarat élan qilish yighini ötküzdi.

aqar, bir zhurnalistning, amérika qoshma ishtatlirida, türkiyege « F-16» tipliq urush ayropilanliri sétip bérishke bezi cheklimiler qoyulghan maddining dölet mudapiesi xamchotining tékistidin chiqiwétilishige munasiwetlik soaligha bergen jawabida,  40 dae « F-16» tipliq urush ayropilanliri sétip bérish we hawa armiyesige ait 79 ayropilanni zamaniwilashturush paaliyetlirining dawamlishiwatqanliqini eskertti, hemde bu paaliyetlerning ijabiy we tézlik bilen netijilinishi üchün tirishchanliq körsitiwatqanliqlirini tekitlep mundaq dédi: «bu mesilide bashtin-axir amérikaliq kesipdashlirimizning ijabiy pozitsiyelirini körduq. bu ijabiy pozitsiyelerge asasen, biz hazir amérika qoshma ishtatliridin ijabiy we konkrét qedemlerni tashlishini kütüwatimiz. bu paaliyetlerning derhal, ijabiy we téz netijilinishini ümid qilimiz. finlandiyeni öz ichige alghan barliq ittipaqdashlirimizdin, türkiyening térrorizmgha qarshi  kürishi we türkiye armiyesini  zamaniwilashturush xizmitini öz ichige alghan barliq paaliyetlirini qollishi we hesse qoshushini kütüwatimiz.»

türkiye armiyesining térrorchilargha qarshi  küresh qiliwatqanliqini, birdinbir nishanining térrorchilar ikenlikini tekitligen aqar, mundaq dep körsetti: «qudretlik türkiye armiyesi démek, qudretlik nato, qudretlik ittipaqdashliq dégenliktur.»