ақар: американиң иҗабий қәдәм ташлишини күтүватимиз

дөләт мудапиә министири хулуси ақар түркийәгә « F-16» типлиқ уруш айропиланлири сетип бериш мәсилисидә америка қошма иштатлиридин иҗабий қәдәм ташлишини күтүватқанлиқлирини ейтти.

1916556
ақар: американиң иҗабий қәдәм ташлишини күтүватимиз

түркийә авази радийоси хәвири: ақар, пайтәхт әнқәрәдә дөләт ишлири зийаритидә болуватқан финландийә дөләт мудапиә министири антти кайкконен билән бир йәргә җәм болди.

түркийә җумһурийити дөләт мудапиә министирлиқида ишқа ашурулған айрим вә һәйәтләр ара учришишлардин кейин, икки министир қошма ахбарат елан қилиш йиғини өткүзди.

ақар, бир журналистниң, америка қошма иштатлирида, түркийәгә « F-16» типлиқ уруш айропиланлири сетип беришкә бәзи чәклимиләр қойулған маддиниң дөләт мудапиәси хамчотиниң текистидин чиқиветилишигә мунасивәтлик соалиға бәргән җавабида,  40 даә « F-16» типлиқ уруш айропиланлири сетип бериш вә һава армийәсигә аит 79 айропиланни заманивилаштуруш паалийәтлириниң давамлишиватқанлиқини әскәртти, һәмдә бу паалийәтләрниң иҗабий вә тезлик билән нәтиҗилиниши үчүн тиришчанлиқ көрситиватқанлиқлирини тәкитләп мундақ деди: «бу мәсилидә баштин-ахир америкалиқ кәсипдашлиримизниң иҗабий позитсийәлирини көрдуқ. бу иҗабий позитсийәләргә асасән, биз һазир америка қошма иштатлиридин иҗабий вә конкрет қәдәмләрни ташлишини күтүватимиз. бу паалийәтләрниң дәрһал, иҗабий вә тез нәтиҗилинишини үмид қилимиз. финландийәни өз ичигә алған барлиқ иттипақдашлиримиздин, түркийәниң терроризмға қарши  күриши вә түркийә армийәсини  заманивилаштуруш хизмитини өз ичигә алған барлиқ паалийәтлирини қоллиши вә һәссә қошушини күтүватимиз.»

түркийә армийәсиниң террорчиларға қарши  күрәш қиливатқанлиқини, бирдинбир нишаниниң террорчилар икәнликини тәкитлигән ақар, мундақ дәп көрсәтти: «қудрәтлик түркийә армийәси демәк, қудрәтлик нато, қудрәтлик иттипақдашлиқ дегәнликтур.»



مۇناسىۋەتلىك خەۋەرلەر