qalin sulliwan bilen rayon we xelqaraliq mesililer toghrisida sözleshti

türkiye jumhuriyiti jumhur reislik mehkimisi bayanatchisi ibrahim qalin amérika qoshma ishtatliri dölet bixeterlik ishliri meslihetchisi jéyk sulliwan bilen téléfonlashti.

1916163
qalin sulliwan bilen rayon we xelqaraliq mesililer toghrisida sözleshti

türkiye awazi radiyosi xewiri: türkiye jumhuriyiti jumhur reislik mehkimisi bayanatchisi ibrahim qalin amérika qoshma ishtatliri dölet bixeterlik ishliri meslihetchisi jéyk sulliwan bilen téléfonlashti.

türkiye jumhuriyiti jumhur reislik mehkimisi bayanat ishliri ishxanisi bayanat bérip, ibrahim qalin bilen jéyk sulliwanning téléfon söhbiti ötküzüp, ikki döletning siyasiy – iqtisadiy munasiwetliri, mudapie sanaiti sahesidiki hemkarliqliri, uningdin bashqa, rusiye-ukraina urushi, sherqiy aqdéngiz, shiwétsiye bilen finlandiyening shimaliy atlantik ehdi teshkilati — nato ezaliq musapisi, süriye, iraq we térrorizmgha qarshi küresh qatarliq rayon we xelqaraliq mesililer toghrisida sözleshkenlikini bildürdi.

söhbet jeryanida, ikki dölet rehbirining hindonéziyening bali arilida ötküzülgen 20 dölet guruhi bashliqlar yighini jeryanidiki uchrishishidin memnunluq hés qilinghanliqi ipadilendi hemde yer shari we rayon xaraktérlik mesililer heqqide söhbetlishish we kéngishishni dawamlashturush toghrisida birdeklik hasil qilindi.

nato ittipaqdishi bolghan türkiye bilen amérikaning diqqitini istratégiyelik muhim nuqtilar we ortaq menpeetlerge merkezleshtürüshi kérekliki otturigha qoyuldi.

mudapie sanaiti sahesidiki dawamlishiwatqan hemkarliqning ehmiyiti tekitlengen téléfon yighinda, türkiyening F-16 sétiwélish we zamaniwilashturush telipining amérika dölet mejlisi teripidin testiqlinip shertsiz tamamlinishini kütüwatqanliqi qeyt qilindi.

ukraina urushining uzirap we kéngiyip kétishining dunya miqyasida kirizislerni chongqurlashturuwetkenliki, shunga tereplerning urushni axirlashturup, söhbet üstige qaytishi kérekliki tekitlendi.

türkiyening urush esirlirini almashturush we ashliq kélishimi qatarliq urush toxtitishning aldinqi qedimi bolghan sahelerdiki diplomatik xizmetlirini qetiylik bilen dawamlashturuwatqanliqi qeyt qilindi.

türkiyening süriye we iraqtiki zerbe bérish heriketlirining dölet bixeterlikimizge xewp yetküzüwatqan p k k / p y d / y p g qatarliq bölgünchi térrorluq teshkilatlirini zerbe obyékti qilidighanliqi eskertip ötüldi.

térrorluq hujumlirigha uchrawatqan türkiyening b d t ehdinamisining 51-maddisidiki belgilime boyiche özini qoghdash hoquqigha ige ikenliki, türkiyening her xil térrorluq tehditlirini bir terep qilish iradisining qetiyliki tekitlendi.

enqerening finlandiye bilen shiwitsiyening tashlighan qedemliridin memnun ikenlikige isharet qilinghan söhbet jeryanida, 6-ayda madridta imzalanghan üch terep kélishimidiki barliq wedilerning choqum orundilishi kérekliki qeyt qilindi.


خەتكۈچ: #uyghurche , #amérika , #türkiye

مۇناسىۋەتلىك خەۋەرلەر