қалин сулливан билән район вә хәлқаралиқ мәсилиләр тоғрисида сөзләшти

түркийә җумһурийити җумһур рәислик мәһкимиси байанатчиси ибраһим қалин америка қошма иштатлири дөләт бихәтәрлик ишлири мәслиһәтчиси җейк сулливан билән телефонлашти.

1916163
қалин сулливан билән район вә хәлқаралиқ мәсилиләр тоғрисида сөзләшти

түркийә авази радийоси хәвири: түркийә җумһурийити җумһур рәислик мәһкимиси байанатчиси ибраһим қалин америка қошма иштатлири дөләт бихәтәрлик ишлири мәслиһәтчиси җейк сулливан билән телефонлашти.

түркийә җумһурийити җумһур рәислик мәһкимиси байанат ишлири ишханиси байанат берип, ибраһим қалин билән җейк сулливанниң телефон сөһбити өткүзүп, икки дөләтниң сийасий – иқтисадий мунасивәтлири, мудапиә санаити саһәсидики һәмкарлиқлири, униңдин башқа, русийә-украина уруши, шәрқий ақдеңиз, шиветсийә билән финландийәниң шималий атлантик әһди тәшкилати — нато әзалиқ мусаписи, сүрийә, ирақ вә терроризмға қарши күрәш қатарлиқ район вә хәлқаралиқ мәсилиләр тоғрисида сөзләшкәнликини билдүрди.

сөһбәт җәрйанида, икки дөләт рәһбириниң һиндонезийәниң бали арилида өткүзүлгән 20 дөләт гуруһи башлиқлар йиғини җәрйанидики учришишидин мәмнунлуқ һес қилинғанлиқи ипадиләнди һәмдә йәр шари вә район характерлик мәсилиләр һәққидә сөһбәтлишиш вә кеңишишни давамлаштуруш тоғрисида бирдәклик һасил қилинди.

нато иттипақдиши болған түркийә билән американиң диққитини истратегийәлик муһим нуқтилар вә ортақ мәнпәәтләргә мәркәзләштүрүши керәклики оттуриға қойулди.

мудапиә санаити саһәсидики давамлишиватқан һәмкарлиқниң әһмийити тәкитләнгән телефон йиғинда, түркийәниң F-16 сетивелиш вә заманивилаштуруш тәлипиниң америка дөләт мәҗлиси тәрипидин тәстиқлинип шәртсиз тамамлинишини күтүватқанлиқи қәйт қилинди.

украина урушиниң узирап вә кеңийип кетишиниң дунйа миқйасида киризисләрни чоңқурлаштурувәткәнлики, шуңа тәрәпләрниң урушни ахирлаштуруп, сөһбәт үстигә қайтиши керәклики тәкитләнди.

түркийәниң уруш әсирлирини алмаштуруш вә ашлиқ келишими қатарлиқ уруш тохтитишниң алдинқи қәдими болған саһәләрдики дипломатик хизмәтлирини қәтийлик билән давамлаштуруватқанлиқи қәйт қилинди.

түркийәниң сүрийә вә ирақтики зәрбә бериш һәрикәтлириниң дөләт бихәтәрликимизгә хәвп йәткүзүватқан п к к / п й д / й п г қатарлиқ бөлгүнчи террорлуқ тәшкилатлирини зәрбә обйекти қилидиғанлиқи әскәртип өтүлди.

террорлуқ һуҗумлириға учраватқан түркийәниң б д т әһдинамисиниң 51-маддисидики бәлгилимә бойичә өзини қоғдаш һоқуқиға игә икәнлики, түркийәниң һәр хил террорлуқ тәһдитлирини бир тәрәп қилиш ирадисиниң қәтийлики тәкитләнди.

әнқәрәниң финландийә билән шивитсийәниң ташлиған қәдәмлиридин мәмнун икәнликигә ишарәт қилинған сөһбәт җәрйанида, 6-айда мадридта имзаланған үч тәрәп келишимидики барлиқ вәдиләрниң чоқум орундилиши керәклики қәйт қилинди.



مۇناسىۋەتلىك خەۋەرلەر