amérika türkiyege «F-16» sétilishini chekleydighan maddilarni qanun layihesidin chiqirip tashlidi
amérika awam palatasi teripidin sunulghan we türkiyege «F-16» urush ayropilani sétilishini cheklesh xaraktérlik shertlerge baghlanghan maddilar, amérika mudapie xamchoti qanun layihesidin chiqirildi.
türkiye awazi radiyosi xewiri: amérika palatasining ikki qanitidin teshkil tapqan ezalarheyiti 857 milyard dollarliq mudapie xamchotinimu öz ichige alghan dölet mudapie hoquqi bilen teminlesh qanuni lahiyesini tüzütüp axirqi nusxisini tamamlidi.
bu qanun layihesining axirqi nusxisi, qibris rum hakimiyitige yéqinliqi bilen tonulghan yéngi xampishir ishtati wekili démokratchi kiris pappas, florida ishtati wekili we jumhuriyetchiler partiyesining wekili gus bilirakkis, jumhuriyetchiler partiyesining nyuyork wekili nikol we yéngi jérsiy ishtatining wekili démokratchi frant pallon qatarliq 18 wekil teripidin qanun layihesining awam palata nusxisigha qoshulup sunuldi.
qanun layihesideö türkiyege «F-16» urush ayropilani sétilishini cheklesh xaraktérlik shertlerge baghlanghan maddilar orun almidi. shundaq qilip, türkiyege «F-16» urush ayropilani sétip bérishni cheklesh xaraktérlik shertlerge baghlanghan maddilar dölet mudapie xamchoti qanun layihesidin chiqiriwétilgen boldi.
