erdoghan türkiye emgek bilen teminligüchiler uyushmisi yighinida söz qildi

jumhur reis erdoghan paytext enqerediki türkiye emgek bilen teminligüchiler uyushmisining omumiy yighinida söz qildi.

1915492
erdoghan türkiye emgek bilen teminligüchiler uyushmisi yighinida söz qildi

türkiye awazi radiyosi xewiri: jumhur reis rejep tayyip erdoghan, nöwette siyaset, iqtisad, diplomatik we herbiy istratégiyelerde öz qararlirini chiqiridighan, özining ul eslihelirini özi yaritidighan we özining nishanini özi belgileydighan bir türkiyening barliqini éytti.

yéqinqi 20 yilda qolgha keltürülgen démokratiye we tereqqiyat qedemlirining turmushning her qaysi saheliridiki oxshashla iqtisadtimu tarixiy özgirishlerni royapqa chiqarghanliqini tekitligen erdoghan: «milliy ishlepchiqirishning sétiwélish nisbitige asasen 11-orungha chiqtuq. emma biz buni yéterlik dep qarimaymiz. inshaallah, yolgha qoyghan iqtisadiy pirogrammini muweppeqiyetlik orundap, yer shariwi kirizislerni pursetke aylandurup, téximu tiriship ishlep, dölitimizni dunyaning aldinqi qatardiki 10 iqtisadiy gewdisining birige aylandurimiz» dédi.

jumhur reis rejep tayyip erdoghan, nöwette siyaset, iqtisad, diplomatik we herbiy istratégiyelerde öz qararlirini chiqiridighan, özining ul eslihelirini özi yaritidighan we özining nishanini özi belgileydighan bir türkiyening barliqini tilgha élip: «bügün biz bir dölet bolush süpitimiz bilen, balqan rayonidin afriqighiche, ottura asiyadin jenubiy asiyaghiche bolghan keng rayonda éghizda emes, emeliy jehette tesir küchige ige, söhbetdashliri bilen eqilsizlerche emes, réal munasiwetlerni ornitalaydighan haletke kelduq» dégenlerni qeyt qildi.

jumhur reis erdoghan, etrapida siyasiy we insanperwerlik kirizisliri ewj alghan türkiyening, kelgüsige ishench we muqimliq neziri bilen qarawatqanliqini eskertti.


خەتكۈچ: #türkiye , #erdoghan , #uyghurche

مۇناسىۋەتلىك خەۋەرلەر