әрдоған түркийә әмгәк билән тәминлигүчиләр уйушмиси йиғинида сөз қилди

җумһур рәис әрдоған пайтәхт әнқәрәдики түркийә әмгәк билән тәминлигүчиләр уйушмисиниң омумий йиғинида сөз қилди.

1915492
әрдоған түркийә әмгәк билән тәминлигүчиләр уйушмиси йиғинида сөз қилди

түркийә авази радийоси хәвири: җумһур рәис рәҗәп таййип әрдоған, нөвәттә сийасәт, иқтисад, дипломатик вә һәрбий истратегийәләрдә өз қарарлирини чиқиридиған, өзиниң ул әслиһәлирини өзи йаритидиған вә өзиниң нишанини өзи бәлгиләйдиған бир түркийәниң барлиқини ейтти.

йеқинқи 20 йилда қолға кәлтүрүлгән демократийә вә тәрәққийат қәдәмлириниң турмушниң һәр қайси саһәлиридики охшашла иқтисадтиму тарихий өзгиришләрни ройапқа чиқарғанлиқини тәкитлигән әрдоған: «миллий ишләпчиқиришниң сетивелиш нисбитигә асасән 11-орунға чиқтуқ. әмма биз буни йетәрлик дәп қаримаймиз. иншааллаһ, йолға қойған иқтисадий пирограммини мувәппәқийәтлик орундап, йәр шариви киризисләрни пурсәткә айландуруп, техиму тиришип ишләп, дөлитимизни дунйаниң алдинқи қатардики 10 иқтисадий гәвдисиниң биригә айландуримиз» деди.

җумһур рәис рәҗәп таййип әрдоған, нөвәттә сийасәт, иқтисад, дипломатик вә һәрбий истратегийәләрдә өз қарарлирини чиқиридиған, өзиниң ул әслиһәлирини өзи йаритидиған вә өзиниң нишанини өзи бәлгиләйдиған бир түркийәниң барлиқини тилға елип: «бүгүн биз бир дөләт болуш сүпитимиз билән, балқан районидин африқиғичә, оттура асийадин җәнубий асийағичә болған кәң районда еғизда әмәс, әмәлий җәһәттә тәсир күчигә игә, сөһбәтдашлири билән әқилсизләрчә әмәс, реал мунасивәтләрни орниталайдиған һаләткә кәлдуқ» дегәнләрни қәйт қилди.

җумһур рәис әрдоған, әтрапида сийасий вә инсанпәрвәрлик киризислири әвҗ алған түркийәниң, кәлгүсигә ишәнч вә муқимлиқ нәзири билән қараватқанлиқини әскәртти.



مۇناسىۋەتلىك خەۋەرلەر