chawushoghlu: türkiye dunyawi küch

tashqi ishlar ministiri mewlüt chawushoghlu türkiyening afriqa qitesidin asiya qitesigiche, ottura asiyadin balqan rayonghiche bolghan payansiz jughrapiyede ümid chirighi yanduruwatqan küchlük döletlerdin biri ikenlikini éytti.

1915066
chawushoghlu: türkiye dunyawi küch

türkiye awazi radiyosi xewiri: chawushoghlu, paytext enqerediki haji bayram weli uniwérsitétida ötküzülgen «türkiyening igilik tikligüchi we insanperwerlikni chiqish nuqta qilidighan tashqi siyasiti» témiliq konféransta sözligen échilish nutiqida, bügünki künde dunyada jiddiy mesililer, krizislar we urushlarning yüz bériwatqanliqini, urush we toqunushlarning 60 pirsentining türkiyening yéqin jughrapiyeside ikenlikini qeyt qildi.

bügünki dunyada  peqet pikirler we iqtisadiy paaliyetlerningla emes, tehditlerningmu yersharilashqanliqini, toqunushlar, énérgiye we yémeklik krizisi,  térrorizm, kilimat özgirishi, chet elliklerge öchmenlik qilish, islam düshmenliki we tertipsiz köchmenliktek xirislarning otturigha chiqiwatqanliqini éytqan chawushoghlu, barghanséri küchiyiwatqan xelqara riqabetning pütkül insaniyetke tehdit séliwatqan mesililernimu öz ichige alghan kirizislerge qarita ortaq hel qilish charilirini tépishni qiyinlashturuwatqanliqini, birleshken döletler teshkilati, yawropa ittipaqi we yawropa kéngishi qatarliq xelqaraliq teshkilatlarning yer shariwi mesililerni hel qilishta yétersiz qéliwatqanliqini tekitlep mundaq dédi: «bundaq musheqqetlik mezgillerde yétekchilik qilalaydighan, yol körsiteleydighan, rehberlik qilalaydighan, igilik tikligüchi küchlerge éhtiyaj bar. bügün men pexirlengen halda shuni démekchimenki, türkiye bu küchlerning aldinqi sépide turidu.»

«türkiye afriqa qitesidin asiya qitesigiche, ottura asiyadin balqan rayonghiche bolghan payansiz jughrapiyede ümid chirighi yanduruwatqan küchlük döletlerdin biri bolup, yer shariwi diplomatiyede eng ishenchilik aktiyorlardin birige aylandi.»

«dunyawi mesililerning qaysisigha qarisingiz؛ hemmiside türkiyening hel qilish charisining bir parchisi ikenlikini körisiz.»



مۇناسىۋەتلىك خەۋەرلەر