erdoghan:«yashlirimizning bilim - qabiliyetliri we ishenchisi türkiye esrining eng chong kapalitidur»
jumhur reis rejep tayyip erdoghan yashlarning bilimi, qabiliyiti we özige bolghan ishenchisining türkiye esirining eng chong kapaliti bolidighanliqini éytti.
türkiye awazi radiyosi xewiri: jumhur reis erdoghan shanliurfaning xeliliye nahiyeside ötküzülgen «yashlar uchrishishi» phrogrammisigha qatnashti.
erdoghan phrogrammining échilish murasimida söz qilip, barghanliki her bir sheherde yashlar bilen uchrishishqa alahide ehmiyet bériwatqanliqini tekitlidi.
erdoghan: «kelgüsimizni amanet qilidighan yashlirimizning dunyagha, dölitimizge, bizge we öz hayatlirigha bolghan chongqur chüshenchisini körüp intayin xushal boldum» dédi.
erdoghan türkiye jumhuriyitining yéngi esrini (2023-yili) «türkiye esri» tesewwuri bilen qarshi élishqa teyyarliq qiliwatqanliqlirini, buningda hemmidin bek yashlarning énérgiyesige, ishlepchiqirishchanliqigha we tirishchanliqigha ishinidighanliqlirini tekitlidi.
erdoghan: «biz dunyagha emes, dunya türkiyege qarisun. yashlirimizning bilimi, qabiliyetliri we özige bolghan ishenchisi türkiye esrining eng chong kapalitidur» dédi.
مۇناسىۋەتلىك خەۋەرلەر
xaqan fidan qatarda süriye muzakire komitétining bashliqi bedir jamos bilen körüshti
tashqi ishlar ministiri xaqan fidan diplomatiye paaliyetlirini dawamlashturmaqta.
