türkiye israiliyening sherqiy quddus we gherbiy qirghaqtiki zorawanliqini qattiq eyiblidi

türkiye awazi radiyosi xewiri: türkiye sherqiy quddus we gherbiy qirghaqta yéqindin buyan ewj éliwatqan israiliye qiisimlirining zorawanliqi shundaqla puqralarni öltürüsh we yaridar qilish weqeliridin chongqur endishe qiliwatqanliqini bildürüp, sot qilmastin öltürüsh qilmishlirini qattiq eyiblidi.

türkiye tashqi ishlar ministirliqi gherbiy qirghaqta ewj éliwatqan zorawanliq we puqralarni öltürüsh weqelirige qarita  yazma bayanat élan qildi.

bayanatta, «biz gherbiy qirghaqta, bolupmu sherqiy quddusta yéqindin buyan ewj éliwatqan zorawanliq we puqralarni öltürüsh weqeliridin  chongqur endishe qilmaqtimiz we bu sot qilmastin öltürüsh qilmishlirini  qattiq eyibleymiz. rayondiki jiddiylikning téximu keskinliship kétishi we adem ölüsh weqelirining köpiyishining aldini élish üchün israiliye dairilirini kéreklik tedbirlerni yolgha qoyushqa chaqirimiz» déyildi.

bayanatta yene hayatidin ayrilghan pelestinliklerge allahtin rehmet télesh bilen birge, pelestin döliti we xelqige teziye bildürüldi.