shirnaqta yene 3 térrorchi bir terep qilindi

türkiye awazi radiyosi xewiri: ichki ishlar ministirliqining bildürüshiche, «eren qamal qilish küz – qish 15» herbiy herikiti dairiside, shirnaqning «gabar téghi» rayonida hawa armiyesi bilen birlikte qoralliq uchquchisiz hawa apparatlirining yardimide élip bérilghan birleshme herbiy heriket  dawamida, bölgünchi térrorluq teshkilati p k k ezasi yene 3 térrorchi, qoral – yaraghliri bilen birlikte bir terep qilinghan.

ichki ishlar ministiri sulayman soylu, ammiwi ortaqlishish tor béti Twitter sehipiside, bu heqte élan qilghan bayanatida, mundaq dégen: «sel kéchikip qaldi, emma ünümlük boldi. qoralliq saqchi we saqchi istixbaratliri, uchquchisiz hawa apparatliri, ataq we hawa armiyemizning yardimide élip bérilghan herbiy heriket dawamida, qoralliq saqchi qisimlirimizning toqunush sahesidiki qehrimanliqi netijiside, shirnaqning <gabar téghi> rayonida yene 3 térrorchi bir terep qilindi. térrorchilar üzül – késil yoqilidighan waqit yétip kélishke az qaldi.»