térrorluq teshkilatliri, türkiyening herbiy heriketlirining tüp nishani

dölet xewpsizlik kéngishining xitabnameside, türkiyening jenubidiki chégralirida ijra qiliniwatqan herbiy heriketlerning tüp nishanining térrorluq teshkilatliri ikenliki tekitlendi.

1913809
térrorluq teshkilatliri, türkiyening herbiy heriketlirining tüp nishani

türkiye awazi radiyosi xewiri: dölet xewpsizlik kéngishi türkiyening jenubidiki chégralirida ijra qiliniwatqan herbiy heriketlerning tüp nishanining térrorluq teshkilatliri ikenlikini eskertip, rayonda héchqandaq térrorluq teshkilatining mewjut bolup turushigha we heriket qilishigha ruxset qilalmaydighanliqi tekitlendi.

türkiye jumhur reisi rejep tayyip erdoghanning bashchiliqida, jumhur reislik mehkimiside ötküzülgen dölet xewpsizlik kéngishi yighinidin kéyin xitabname élan qilindi.

yighinda, térrorluq teshkilatliri p k k| k j k, p y d|y p g, fethullachi térrorluq teshkilati we daésh qatarliq milliy ittipaqliq we barawerlikke, döletning mewjutluqigha her türlük tehdit shekillendüridighan xeterlerge qarshi memliket ichi we sirtida qetiy irade bilen muweppeqiyetlik halda élip bériliwatqan herbiy heriketler toghrisida kéngeshke melumat sunulghanliqi, shundaqla alaqidar qoshumche tedbirlerning muzakire qilinghanliqi qeyt qilindi.

türkiyening jenubiy chégralirida élip bériliwatqan herbiy heriketlerning tüp nishanining térrorluq teshkilatliri ikenliki eskertilgen xitabnamede, mundaq dep körsitildi:

  «ulugh xelqimiz we tengdishi yoq dölitimizning qoghdilishini, bixeterlikini kapaletke ige qilish meqsitide, b d t ehdinamesining 51-maddisi ramkisida jenubiy chégralirimiz boyiche ijra qiliniwatqan herbiy heriketlerning tüp nishanining térrorluq teshkilatliri ikenliki, rayonimizda chégralirimizni, sheherlirimizni, puqralirimizni we bixeterlik qisimlirimizni hujum nishani qilghan her qandaq térrorluq teshkilatining mewjut bolup turushigha ruxset qilinmaydighanliqi, buning üchün zörür qedemlerning qetiylik bilen bésilidighanliqi tekitlendi.»

türkiyening muressechi we semimiy pozitsiyesi bilen mesilini hel qilishni meqset qilghan diyalog tekliplirige inkas qayturmighan girétsiyedin gheyriy herbiy salahiyettiki arallarning qorallandurulushini öz ichige alghan xelqaraliq qanungha we kélishimlerge xilap heriketlirini baldurraq axirlashturushining kütülidighanliqi eskertilgen xitabnamede, türk dunyasining ayrilmas bir parchisi bolghan qibris türklirining heqqaniy dewasini qetiylik bilen izchil qollashning dawamlishidighanliqi, bashqa xelqaraliq teshkilatlar bilen döletlerning buninggha oxshash qedemlerni tashlishi kérekliki otturigha qoyuldi.



مۇناسىۋەتلىك خەۋەرلەر