әрдоған кәспий маарип йиғиниға синлиқ телеграмма йоллиди

җумһур рәис әрдоған пайтәхт әнқәрәдә маарип министирлиқи билән иқтисадий тәрәққийат вә һәмкарлиқ тәшкилати тәрипидин өткүзүлгән «кәспий маарип йиғини» ға синлиқ телеграмма йоллиди.

1913337
әрдоған кәспий маарип йиғиниға синлиқ телеграмма йоллиди

түркийә авази радийоси хәвири: җумһур рәис әрдоған «кәспий маарип йиғини» ға йоллиған синлиқ телеграммисида, кәспий маарип йиғининиң хәйрилик болушиға тиләкдашлиқ билдүрүп, маарипниң сиҗил иқтисадий тәрәққийат вә омумйүзлүк гүллинишниң әң күчлүк асаслиридин бири икәнликини тәкитләп мундақ деди: «дунйаниң қәйеридә болушидин қәтийнәзәр, барлиқ балиларниң сүпәтлик маариптин бәһримән болуш һоқуқи аләмшумул кишилик һоқуқтур.»

у йеқинқи 20 йил ичидә һәр йили хамчотниң әң чоң үлүшини маарипқа аҗратқанлиқлирини вә бу саһәдә ташлаватқан қәдәмлири арқилиқ зор илгириләшләрни қолға кәлтүргәнликлирини тәкитләп мундақ деди: «түркийәни һәр җәһәттин үлгилик дөләткә айландурдуқ.»

кәспий маарипта қолға кәлтүрүлгән һайатий күчиниң айалларниң ишқа орунлишишидиму интайин муһим илгириләшләргә земин һазирлап бәргәнликини әскәрткән әрдоған, маарип министирлиқи билән иқтисадий һәмкарлиқ вә тәрәққийат тәшкилатиниң һәмкарлиқида өткүзүлгән кәспий маарип йиғининиң қиммәтлик тәҗрибә – савақларни ортақлишиштин сирт йәнә, иштиракчиларниң қиммәтлик пикирлирини өгинишкиму вәсилә болидиғанлиқини қәйт қилди.



مۇناسىۋەتلىك خەۋەرلەر