түркийә истихбарат идариси п к к ниң ​​истихбарат директорини  уҗуқтурди

түркийә истихбарат идариси (MIT) ирақниң шималидики синҗарда елип барған һәрикитидә, бөлгүнчи террорлуқ тәшкилати п к к ниң аталмиш ​​истихбарат директори фатма онурни биртәрәп қилди.

1912753
түркийә истихбарат идариси п к к ниң ​​истихбарат директорини  уҗуқтурди

түркийә авази радийоси хәвири: бихәтәрлик мәнбәлиридин игиләнгән учурларға асасланғанда, фатма онур 1990 – йилири әнглийәдин бөлгүнчи террорлуқ тәшкилати п к к ға қатнашқан болуп, у тәшкилатниң қораллиқ қанитида узун йил паалийәт қилған. бөлгүнчи террорлуқ тәшкилати п к к ниң истихбарат қурулмиси «NLP» да 2016 – йили аталмиш истихбарат ​​мәсуллуқиға өстүрүлгән вә тәшкилат әзалириға истихбарат дәрси өткән.

террорчи онур, болупму ирақниң сулайманийә райони вә әтраптики йезиларда бихәтәрлик қисимлириға қарита нурғунлиған террорлуқ һәрикәтлиригә җавабкар иди.

шифрилиқ  исми «кинда мараш» болған онурниң паалийәтлирини йешиш үчүн инчикә тәтқиқат, тәкшүрүш хизмәтлирини қилған истихбарат идариси, террорчиниң қандилдин синҗарға мәхпий вәзипә билән әвәтилгәнликини һәмдә униң истихбарат паалийәтлирини йошуруш үчүн көрүнүштә малийә хизмитигә мәсул қийапитигә киривалғанлиқини ениқлап чиқти.

истихбарат идариси учурни тапшурувалғандин кейин дәрһал һәрикәткә өтүп, синҗарда бир қетимлиқ нуқтилиқ һәрикәт арқилиқ онурни бир тәрәп қилди.



مۇناسىۋەتلىك خەۋەرلەر