техиму адил бир дунйа мумкин

җумһур рәислик учур-алақә идариси белгийә пайтәхти бирйусселдики йавропа парламентида «техиму адил дунйа мумкин» темисида илмий муһакимә йиғини уйуштурди.

1913121
техиму адил бир дунйа мумкин

түркийә авази радийоси хәвири: белгийә пайтәхти бирйусселдики йавропа парламентида өткүзүлгән «техиму адил дунйа мумкин» темилиқ йиғинда, б д т қурулмисидики йетәрсизликләр вә буларни һәл қилиш үчүн елип берилиши керәк болған зөрүр ислаһатлар муһакимә қилинған болуп, йавропадики охшимиған дөләтләрдин кәлгән мутәхәссисләр, пиринсипчан, кәң даирилик, истратегийәлик вә иҗра қилишқа болидиған модел үчүн өз көз қарашлирини тәқдим қилди.

йавропа иттипақи учур-алақә вә аммиви мунасивәтләр мутәхәссиси җоанна магдаленаниң рийасәтчиликидә, һазирқи қурулминиң йеңи тәдбирләр үчүн йетәрлик һәл қилиш чарисини тепишни капаләткә игә қилишқа йәтмәйдиғанлиқини дәталаш қилған мутәхәссисләр, түркийә җумһур рәиси рәҗәп таййип әрдоғанниң «техиму адил дунйа мумкин» намлиқ китабида әскәртип өткән қарашлири тоғрисида өзара пикир алмаштурди.

т р т ворлд қанилиниң ташқи сийасәт мутәхәссиси йусуф әрим б д т ниң һазирқи қурулмиси билән мусапирлар мәсилисини, террорлуқ вә килимат өзгиришигә охшаш дунйави мәсилиләрни һәл қилишта йетәрсиз икәнликини қәйт қилди.

у африқа вә җәнубий америка қитәсиниң б д т хәвпсизлик кеңишидә даимий вәкили болушқа еһтийаҗлиқ икәнликини билдүрди.

йавропа парламентида сийасәт вә истратегийәлик учур-алақә мутәхәссиси, сийасий анализчи ипәк тәкдәмир йавропа иттипақиниң дунйа тәртипиниң техиму адил һалға келиши үчүн ташлиши керәк болған қәдәмләргә мунасивәтлик пикирлирини оттуриға қойди.

йавропа консерватиплири вә ислаһатчилар партийәсиниң сабиқ башлиқи ричард милсон 70 йиллиқ дунйа тәртипиниң йеңи тәһдитләргә чарә тепишқа йетәрсиз қалғанлиқини тәкитлиди.

йавропа қошнидарчилиқ кеңиши тәтқиқат мәркизиниң директори самуел довери вестербви түрк дөләтлири тәшкилатиға охшаш йеңидин йүксәлгән тәшкилатларниң әһмийити тоғрисида сөз қилди.

нато вә тәтқиқат органлири үчүн истратегийәлик анализчи вә сийасәт мутәхәссиси маризо гери б д т хәвпсизлик кеңишидики аваз көплүкини рәт қилиш мәсилисиниң, демократик қурулмиға уйғун әмәсликини билдүрди.



مۇناسىۋەتلىك خەۋەرلەر