6 – нөвәтлик «т р т дунйа мунбири кеңиши» йиғини истанбулда өткүзүлиду

«т р т дунйа мунбири кеңиши» 6 – нөвәтлик йиғини  9 - дикабирдин 10 -  дикабирғичә «кәлгүсини шәкилләндүрүш: ениқсизлиқлар, реаллиқлар вә пурсәтләр» темиси астида истанбулда өткүзүлиду.

1912838
6 – нөвәтлик «т р т дунйа мунбири кеңиши» йиғини истанбулда өткүзүлиду

түркийә авази радийоси хәвири: түркийә радийо-телевизийә идариси (т р т) ниң байанатида, «<т р т дунйа мунбири кеңиши> ковид-19 йуқуми сәвәбидин 2020 - вә 2021 - йиллири торда өткүзүлгән болуп, бу йил истанбулда дунйаниң һәрқайси җайлиридин муһим шәхисләрниң қатниши билән йүзтуранә өткүзилиду» дейилди.

бу йил 34 дөләттин кәлгән 100 гә йеқин нутуқ сөзлигүчиниң қатнишиши билән 6 - нөвәтлики өткүзүлидиған «т р т дунйа мунбири кеңиши», дунйаниң һәр қайси җайлиридин кәлгән рәһбәрләр, мутәхәссисләр, академиклар вә мәшһур шәхсләрни учраштуруп, дунйави мәсилиләрни музакирә қилиш вә һәл қилиш чариси билән тәминләшни мәқсәт қилиду.

мунбәрдә енергийәдин йәр шари көчмәнләр киризисиғичә, йемәклик бихәтәрликидин ислам дүшмәнликигичә болған нурғун мәсилиләр очуқ йиғин вә йумилақ үстәл йиғинида музакирә қилиниду.

«кәлгүсини шәкилләндүрүш: ениқсизлиқлар, реаллиқлар вә пурсәтләр» темисидики кеңәш йиғини 9 – вә 10 - декабир күнлири өткүзүлиду.

җумһур рәис рәҗәп таййип әрдоғанниң мунбәргә қатнишип нутуқ сөзлиши мөлчәрләнмәктә.

 

«2022 – йиллиқ т р т дунйа мунбири кеңиши» гә «www.trtworldforum.com»  адриси арқилиқ тизимлатсаңлар болиду.



مۇناسىۋەتلىك خەۋەرلەر