erdoghan: héchkishi türkiyeni quruq tehditler bilen öz menpeetige zitlashturalmaydu
jumhur reis rejep tayyip erdoghan «bölgünchi térrorluq teshkilatini qollawatqanlarning riyakarliqlirigha chidap turushqa mejbur emesmiz» dédi.
1912129
türkiye awazi radiyosi xewiri: jumhur reis erdoghan kabinét yighinidin kéyin bayanat élan qildi.
erdoghan weten tupraqliri we xelqning bixeterlikige munasiwetlik qademlerni tashlashta héchkimdin ruxset almighanliqigha oxshash, héchkimgimu hésab bermeydighanliqini tekitliep, «tizimgha élinghan térrorluq teshkilatini isim özgertish oyunliri arqiliq qollawatqanlarning riyakarliqlirigha chidap turushqa mejbur emesmiz» dédi.
héchkimning türkiyeni quruq tehditler bilen siyasiy, diplomatik, iqtisadiy we herbiy sahelerde öz menpeetige zit orunlarda turushqa mejburliyalmaydighanliqini tekitlep, «türkiyening bixeterlik we tinchliq chembirikini kéngeytishni meqset qilghan herbiy herikitidin héchkishi biaram bolmasliqi kérek» dédi.
