iraqta oghrilanghan 2 milyard 500 milyon dollarning bir qismi döletke qayturuldi
iraq bash ministiri muhemmed shiya essudani melum mezgil ilgiri dölet bankisidin oghrilanghan 2 milyard 500 milyon dollarning bir qismining döletke qayturulghanliqini élan qildi.
türkiye awazi radiyosi xewiri: sudani paytext baghdatta ötküzgen muxbirlarni kütüwélish yighinida muxbirlargha qayturulghan pullarni körsetti.
sudani, «tekshürüsh élip bériwatqan alaqidar komititlar oghrilanghan puldin 182 milyard dinarning (yeni 124 milyon 600 ming dollar) ning qayturulishini ishqa ashurdi» dédi we bu oghriliqqa bezi dölet organlirida ishleydighan kishilerning yardem qilghanliqini éytti.
sudani hazir türmide tutup turiliwatqan nur zuheyirning oghrilighan pullarning hemmini qayturushi üchün képillikke qoyup bérilidighanliqini, u pulning hemmini qayturghangha qeder bixeterlik qisimlirining nazariti astida bolidighanliqini eskertti.
iraq bash ministiri oghrilanghan barliq pullar qayturulghandin kéyin zuheyirning sotining dawamlishdighanliqini tekitlidi.
iraqta 16 - öktebirde baj idarisigha tewe 2 milyard 500 milyon dollar amanet pul, dölet bankisidin oghrilanghan idi.
مۇناسىۋەتلىك خەۋەرلەر
iraq we süriyede 75 térrorchi bir terep qilindi
iraq we süriyening shimalida térrorchilargha ejellik zerbe bérilmekte.