әрдоған: «<қизил алма> 2023 - йилиниң ахирида түркүмләп ишләпчиқирилишқа башлайду»

җумһур рәис рәҗәп таййип әрдоған йәрлик учқучисиз уруш айропилан «қизил алма» ниң түркүмләп ишләпчиқирилишиниң 2023 - йилиниң ахирида башлайдиғанлиқини билдүрди.

1911446
әрдоған: «<қизил алма> 2023 - йилиниң ахирида түркүмләп ишләпчиқирилишқа башлайду»
Muharip İnsansız Uçak Sistemi Bayraktar Kızılelma MİUS Mius.jpg
Bayraktar Kızılelma.jpg
Bayraktar Kızılelma1.jpg

түркийә авази радийоси хәвири: җумһур рәис шундақла адаләт вә тәрәққийат партийәсиниң рәиси әрдоған партийәсиниң конйадики кеңәйтилгән вилайәтлик мәслиһәт кеңиши йиғинида нутуқ сөзлиди.

әрдоған ташлиған қәдәмлири вә әмәлгә ашурған лайиһәлири билән түркийә әсрини реаллиққа айландурушниң дәрдидә икәнликини тәкитләп, «ички сийасәттин ташқи сийасәткичә болған барлиқ пиланлиримизни бу чүшәнчә асасида түзүватимиз. әвладлиримизға техиму байашат, техиму күчлүк вә пуқраси болғанлиқи билән пәхирлинидиған бир түркийәни қалдуруш мәқситидә хизмәтлиримизни давамлаштумақитимиз» деди.

әрдоған түркийәниң  (уруш һалитидики) һәр икки қошниси (русийә вә украина) ниму нәзәрдә тутқан, тәңпуңлуқ сийасити арқилиқ һәм киризисләрниң әң аз тәсиригә учриғанлиқини, һәм пүтүн дунйаниң алқишиға еришкәнликини тилға елип, «биз буниңлиқ билән тохтап қалмидуқ, ашлиқ келишими вә мәһбусларни алмаштуруш қатарлиқ һечкиши җүрәт қилалмиған икки чоң дипломатик утуқни қолға кәлтүрдуқ. чәтәлләрдә биз қатнашқан барлиқ башлиқлар йиғинида, дөләт башлиқлири дөлитимизниң урушни ахирлаштуруш учун көрсәткән тиришчанлиқлириға мәдһийә оқумақта» деди.

җумһур рәис әрдоған  түркийәниң санаәт, техника вә мудапиәдә йәрликлишиш нисбитини әслидики %20 тин %80 кә өстүргәнликини тәкитләп, йәрлик учқучисиз күрәшчи айропилани «қизил алма» һәққидә «иншааллаһ, узунға бармай,  2023 - йилиниң ахирида түркүмләп ишләпчиқирилишқа башлайду» деди.

 



مۇناسىۋەتلىك خەۋەرلەر