оқтай, түркийә - мисир мунасивәтни нормаллаштуруш сөһбәтлириниң давамлишиватқанлиқини билдүрди

түркийә җумһурийити муавин җумһур рәиси фуат оқтай, түркийә билән мисирниң мунасивәтләрни нормаллаштуруш сөһбәтлириниң давамлишиватқанлиқини билдүрди.

1911342
оқтай, түркийә - мисир мунасивәтни нормаллаштуруш сөһбәтлириниң давамлишиватқанлиқини билдүрди

түркийә авази радийоси хәвири: түркийә җумһурийити муавин җумһур рәиси фуат оқтай, түркийә билән мисирниң мунасивәтләрни нормаллаштуруш сөһбәтлириниң һәр икки тәрәпниң ортақ ирадиси, өзара мәнпәәтлири вә өзара һөрмәт қилиш асасида давам қиливатқанлиқини билдүрди.

фуат оқтай түркийә бүйүк милләт мәҗилиси (парламенти)да парламент әзалириниң соаллириға җаваб бәрди.

у, түркийәниң райондики һәмкарлиқини алдинқи орунға қойған позитсийәниң әрәб бирләшмә хәлипилики, сәуди әрәбистан вә исраилийә билән болған икки тәрәплик мунасивәтләрдә йеңи бир дәврни барлиққа кәлтүргәнликини билдүрди.

«мисир билән болған мунасивәтләрни нормаллаштуруш сөһбәтлиримиз һәр икки тәрәпниң ортақ ирадиси, өзара мәнпәәтлири вә өзара һөрмәт қилиш асасида давам  қилмақта» дегән оқтай, сөзини давамлаштуруп: «биз дөлитимиз вә хәлқимизниң мәнпәити немини тәқәзза қилса, шу ишларни қилдуқ вә қилимиз. әзәрбәйҗанниң вәтән урушиға әң күчлүк төһпә қошқандин кейин, районниң муқимлиқи үчүн әрменийә билән болған мунасивәтни нормаллаштуруш мусаписини әзәрбәйҗан билән бирликтә қандақ қоллиған болсақ, сөһбәт үстили вә әмәлий мәйданлардиму қайси йол хәлқимизгә пайдилиқ болса, шу тәрәпкә қарап йүзлинишни давамлаштуримиз» дегәнләрни қәйт қилди.



مۇناسىۋەتلىك خەۋەرلەر