түркийә - финландийә - шиветсийә үч тәрәп ортақ механизми йиғини стокһолмда чақирилди

түркийә, финландийә вә шиветсийәниң шималий атлантик әһди тәшкилати — нато башлиқлар йиғини җәрйанида имзалиған үч тәрәп келишимигә асасән қурулған ортақ механизимниң иккинчи нөвәтлик йиғини 25 - нойабир шиветсийәниң пайтәхти стокһолмда өткүзүлди.

1911377
түркийә - финландийә - шиветсийә үч тәрәп ортақ механизми йиғини стокһолмда чақирилди

түркийә авази радийоси хәвири: түркийә җумһурийити җумһур рәислик мәһкимиси байанатчиси, баш әлчи ибраһим қалин билән муавин ташқи ишлар министири сәдат өнал  рәһбәрликидики түркийә һәйити, әдлийә, ташқи ишлар, ички ишлар вә дөләт мудапиә министирлиқлири билән миллий истихбарат тәшкилати (MIT) вәкиллиридин тәшкил тапти.

шиветсийә һәйитигә баш министирлиқ мәһкимиси ишханисидин баш әлчи оскар стенстрөм вә ташқи ишлар министирлиқиниң дөләт ишлири катипи йан кнутсон рийасәтчилик қилди.

финландийә һәйитигә ташқи ишлар министирлиқиниң дөләт ишлири катипи җукка саловара билән пирезидентлиқ мәһкимиси ишханисиниң ташқи вә бихәтәрлик сийасити баш директори доктор петри хаккарайинен рийасәтчилик қилди.

ташқи ишлар, әдлийә министирлиқлири, хәвпсизлик, бихәтәрлик вә истихбарат органлириниң вәкиллириму вәзипә өтәйдиған даимий ортақ механизимниң мәқсити, үч тәрәп келишимидики вәдиләрниң иҗра қилинишиға капаләтлик қилиш. министирлиқлар билән һәр қайси органлар оттурисидики даимий ортақ механизимға мунасивәтлик һәмкарлиқни күчәйтиш қарар қилинған йиғинда, финландийә билән шиветсийәниң келишимгә асасән басқан қәдәмлириниң қарши елинғанлиқи оттуриға қойулди. тәрәпләр келишимни иҗра қилиш хизмитини давамлаштуруш тоғрисида бирдәклик һасил қилди.

түркийә 28-ийун испанийәниң пайтәхти мадридта өткүзүлгән нато башлиқлар йиғини җәрйанида,натоға әзалиқ илтимаси сунған финландийә билән шиветсийәниң тәләплирини рәт қилған вә террорлуқ тәшкилатлирини очуқ-ашкара қоллайдиған мәзкур икки дөләт билән келишим имзалиғаниди؛ әнқәрә нөвәттә келишимдә вәдә қилинған қәдәмләрниң ташлинишини күтмәктә.



مۇناسىۋەتلىك خەۋەرلەر