türkiye hindonéziyege teziye bildürdi
türkiye tashqi ishlar ministirliqi hindonéziyening gherbiy jawa ölkiside meydangha kelgen yer tewreshte hayatidin ayrilghanlar üchün teziye bayanati élan qildi.
1909169
türkiye awazi radiyosi xewiri: türkiye jumhuriyiti tashqi ishlar ministirliqi teripidin élan qilinghan bayanatta, enqerening, hindonéziyening gherbiy jawa ölkiside meydangha kelgen yer tewresh apitide köp sanda kishining hayatidin ayrilghanliqi we yarilanghanliqidin tolimu epsuslanghan halda xewer tapqanliqi eskertilip mundaq déyildi: «yer tewresh apitide hayatidin ayrilghanlarning yéqin – yoruqlirigha, dost we qérindash dölet hindonéziye xelqi we hökümitige chin dilimizdin teziye bildürimiz, yarilanghanlargha shipaliq tileymiz.»
hindonéziyening siranjang shehirining 18 kilométir gherbiy jenubida, 10 kilométir chongqurluqta yüz bergen 5.6 bal chongluqtiki yer tewreshte 162 adem qaza qilghan, yüzlerche kishi yarilanidi.
