türkiye xérsondiki ahiska türklirini qayturup kélish üchün zor küch chiqardi
rusiye bilen bolghan jeng dawam qiliwatqan ukrainaning xérson shehiride yashaydighan 84 ahiska türki türkiye jumhuriyiti tashqi ishlar ministirliqining teshebbusi bilen, rusiye arqiliq türkiyege élip kélinidu.
türkiye awazi radiyosi xewiri: diplomatik menbelerning bildürüshiche, köpinchisi yashanghanlardin terkib tapqan 84 neper ahiska türki 31 - öktebir türkiyege kélish üchün xérsondin yolgha chiqqan bolsimu, guruppidiki bezi kishilerning matériyalliri toluq bolmighachqa, rusiyege kirelmigen.
türkiyening moskwadiki elchixanisining kirémil sariyi, rusiye tashqi ishlar, ichki ishlar we mudapie ministirliqliri bilen körüshüshi, türkiye tashqi ishlar ministirliqining rusiyening enqerede turushluq elchixanisi bilen ötküzgen uchrishishliri netijiside, 84 neper ahiska türki tünügün qirim arqiliq rusiyege kirgen bolup, ularning nöwettiki békiti rusiyening giruziye chégrasi iken.
igilinishiche, türkiyening tiblistiki elchixanisi giruziye dairiliri bilen bu heqte alaqe ornitip, mezkur guruppining giroziye arqiliq türkiyege yétip kélishige qolayliq yaritish ishlirini hel qilghan.
türkiyening munasiwetlik organliri ularning türkiyege kirishi we kütüwélinishigha munasiwetlik teyyarliq xizmetlerni toluq tamamlighan.
