mudapie ministirliqi: istiqlal kochisidiki térrorluq hujumining bedilini töletküzimiz

türkiye awazi radiyosi xewiri: yekshenbe küni istanbulning taksim rayonidiki istiqlal kochisida yüz bergen partlashta alte adem jénidin ayrildi, 81 adem yarilandi.

türkiye jumhuriyiti dölet mudapie ministirliqi bu hujumning jawabsiz qalmaydighanliqini tekitlep: «qehriman armiyemizning aldigha chiqishqa jasaret qilalmighan, zapta, iraqning, süriyening shimalida bolunggha qistilip qalghan, armiyening téniqlirini her daim gejgiside hés qiliwatqan, peskeshlikte chek – chégrasining yoqluqini nurghun qétim pütkül dunyagha körsetken azghun térrorluq teshkilati p k k / y p g ni öz ichige alghan barliq térrorluq teshkilatlirining insaniyetning düshmini, xelq düshmini ikenlikini körmeslikke sélishta ching turuwéliwatqanlar bar. térrorchining eng shepqetsiz usulidin paydilinip istanbulda bigunah puqralarni zerbe obéykti qilghan térrorchilar bu hujumning bedilini hessilep töleydu! bu dölettinmu, bu jughrapiyedinmu yoqilidu» dégenlerni qeyt qildi.