әрдоған г20 рәһбәрләр йиғини мунасивити билән һиндонезийәниң бали арилиға йетип барди

түркийә авази радийоси хәвири: җумһур рәислик учур - алақә идарисиниң байанатиға асасланғанда, 15 - 16 - нойабир күнлири өткүзүлидиған рәһбәрләр йиғининиң асаслиқ темиси «бирликтә әслигә келиш-техиму күчлүк әслигә келиш» болиду.

г20  дөләтләр гуруһи рәһбәрлири бу даиридә, «йемәклик вә енергийә бихәтәрлики», «сәһийә» вә «диҗитал өзгириш» намлиқ үч йиғинда өзара пикир алмаштуриду.

җумһур рәис әрдоған рәһбәрләр йиғини даирисидә, һәрқайси дөләт рәһбәрлири билән учришиш өткүзиду.

әрдоған йәнә, рәһбәрләр йиғинидин илгири 14 - нойабир дүшәнбә  күни бали арилида һиндонезийә пирезиденти җоко видодо билән көрүшиду.

учришишта, түркийә билән һиндонезийә оттурисидики мунасивәтләр көздин кәчүрүлүп, һәмкарлиқни йәниму тәрәққий қилдуруш үчүн ташлинидиған қәдәмләр музакирә қилиниду.