ئەردوغان ھىندونېزىيەدە مۇھىم ئۇچرىشىشلاردا بولىدۇ

تۈركىيە ئاۋازى رادىيوسى خەۋىرى: جۇمھۇر رەئىسلىك ئۇچۇر - ئالاقە ئىدارىسىنىڭ باياناتىغا ئاساسلانغاندا، 15 -   ۋە 16 - نويابىر كۈنلىرى ئۆتكۈزۈلىدىغان رەھبەرلەر يىغىنىنىڭ ئاساسلىق تېمىسى «بىرلىكتە ئەسلىگە كېلىش-تېخىمۇ كۈچلۈك ئەسلىگە كېلىش» بولىدۇ.

گ20  دۆلەتلەر گۇرۇھى رەھبەرلىرى بۇ دائىرىدە «يېمەكلىك ۋە ئېنېرگىيە بىخەتەرلىكى»، «سەھىيە» ۋە «دىگىتال ئۆزگىرىش» ناملىق ئۈچ يىغىندا پىكىر ئالماشتۇرىدۇ.

جۇمھۇر رەئىس ئەردوغان رەھبەرلەر يىغىنى دائىرىسىدە ھەرقايسى دۆلەت رەھبەرلىرى بىلەن ئۇچرىشىش ئۆتكۈزىدۇ.

ئەردوغان يەنە، رەھبەرلەر يىغىنىدىن ئىلگىرى 14 - نويابىر دۈشەنبە  كۈنى (ئەتە) بالى ئارىلىدا ھىندونېزىيە پىرېزىدېنتى جوكو ۋىدودو بىلەن ئۆزئارا ئۇچرىشىش ئېلىپ بارىدۇ.

ئۇچرىشىشتا تۈركىيە بىلەن ھىندونېزىيە ئوتتۇرىسىدىكى مۇناسىۋەتلەر كۆزدىن كەچۈرۈلۈپ، ھەمكارلىقنى يەنىمۇ تەرەققىي قىلدۇرۇش ئۈچۈن تاشلىنىدىغان قەدەملەر مۇزاكىرە قىلىنىدۇ