ministir dönmez aljiriyede

énérgiye we tebiiy bayliqlar ministiri fatih dönmez türkiye bilen aljiriye otturisidiki munasiwetlerning barghanséri tereqqiy qiliwatqanliqini éytti.

1905014
ministir dönmez aljiriyede

türkiye awazi radiyosi xewiri: aljiriyede dölet ishliri ziyaritide boluwatqan énérgiye we tebiiy bayliqlar ministiri fatih dönmez, aljiriye pirézidénti abdulmejid tebbun teripidin paytext aljirdiki muradiye sariyida qobul qilindi.

ministir dönmez, kéyinche aljiriye énérgiye we kan ishliri ministiri muhemmed eqreb bilen körüshkendin kéyin, muxbirlarni kütüwélish yighini ötküzdi.

u, bu yerde qilghan sözide, yéqinqi yillarda türkiye – aljiriye munasiwetlirining barghanséri tereqqiy qiliwatqanliqini tekitlep mundaq dédi: «her sahede barghanséri tereqqiy qiliwatqan bu munasiwetlirimiz, siyasiy, iqtisadiy we téxnologiye saheliride közge körünerlik derijide eks etmekte. hem hörmetlik pirézidént tebbun hem jumhur reisimiz rejep tayyip erdoghan ikki terep munasiwetlirini qudret tapquzush yolida nahayiti zor tirishchanliq körsetmekte. nöwette 5 milyard dollar etrapidiki ikki dölet otturisidiki soda omumiy sommisini, aldimizdiki yillarda her ikki rehberning nishani bolghan 10 milyard dollargha yetküzüshimiz mumkin.»



مۇناسىۋەتلىك خەۋەرلەر