تۈركىيە ئەزەربەيجاننىڭ غەلىبە بايرىمىنى تەبرىكلىدى
تۈركىيە ئەزەربەيجاننىڭ 8-نويابىر غەلىبە بايرىمى تەبرىكلىدى؛ تۈركىيە جۇمھۇرىيىتى تاشقى ئىشلار مىنىستىرلىقى تېلېگرامما تارقىتىپ، ئەزەربەيجاننىڭ ئىشغال ئاستىدىكى زېمىنلىرىنى ئازاد قىلغانلىقى تەبرىكلىنىدىغان 8 – نويابىر غەلىبە كۈنىنى تەبرىكلىدى.
1903695
تۈركىيە ئاۋازى رادىيوسى خەۋىرى: مىنىستىرلىقنىڭ باياناتىدا «بىز قەھرىمانلارچە كۈرەش قىلىپ، ئىشغال قىلىنغان زېمىنلىرىنى ئازاد قىلغان قېرىنداش ئەزەربەيجاننى 8 -نويابىر غەلىبە بايرىمى مۇناسىۋىتى بىلەن تەبرىكلەيمىز» دېگەن ئىبارىلەرگە ئورۇن بېرىلدى.
ئەزەربەيجان ئارمىيەسى قولغا كەلتۈرگەن مۇۋەپپەقىيەتنىڭ پۈتكۈل رايوندا تىنچلىق ۋە خاتىرجەملىككە بولغان ئۈمىدنى كۈچەيتكەنلىكىگە ئىشارەت قىلىنغان باياناتتا يەە: «تۈركىيە، ئىشغالدىن ئازاد قىلىنغان جايلارنى قايتا بەرپا قىلىپ ئەسلىگە كەلتۈرۈش، جەنۇبىي كاۋكاز مىقياسىدا بىخەتەرلىك، مۇقىملىق ۋە ھەمكارلىقنى كۈچەيتىش ئۈچۈن ئەزەربەيجان بىلەن ئۈزلۈكسىز ھالدا تولۇق ھەمكارلىق ئىچىدە ماسلىشىپ ھەرىكەت قىلىشنى داۋاملاشتۇرىدۇ» دېيىلدى.
