ванда «әрән муһасирә» намлиқ террорчиларға зәрбә бериш һәрикити башланди
түркийә бихәтәрлик қисимлири ванда бөлгүнчи террорлуқ тәшкилати — п к к ға қарши «әрән муһасирә 10 – зәрбә бериш һәрикити» дегән нам астида террорчиларни тазилаш һәрикити башлиди.
түркийә авази радийоси хәвири: түркийә җумһурийити ички ишлар министирлиқи байанат елан қилип, п к к террорлуқ тәшкилатини дөләтниң күнтәртипидин чиқирип ташлаш, районға йошурувалғанлиқи тәхмин қилиниватқанлиқи террорчиларни тазилаш мәқситидә ван вилайитидә «әрән муһасирә <күз – қиш мәзгили> 10 – зәрбә бериш һәрикити» башланғанлиқини уқтурди.
бу қетимқи зәрбә бериш һәрикитигә 460 бихәтәрлик хадиминиң қатнашлиқиға ишарәт қилинған байанатта, дөләт ичидики террорчиларни пүтүнләй йоқитип ташлашни нишан қилған «әрән муһасирә <күз – қиш мәзгили> зәрбә бериш һәрикәтлири»ниң хәлқниң қоллап – қуввәтлиши сайисида қәтий ирадә давамлаштурулуватқанлиқи қәйт қилинди.
مۇناسىۋەتلىك خەۋەرلەر
ирақ вә сүрийәдә 75 террорчи бир тәрәп қилинди
ирақ вә сүрийәниң шималида террорчиларға әҗәллик зәрбә берилмәктә.