erdoghan b d t bash katipi bilen téléfonlashti

dölitimiz (türkiye jumhuriyiti) jumhur reisi rejep tayyip erdoghan birleshken döletler teshkilati bash katipi antonyo gutérés bilen téléfonda körüshti.

1901944
erdoghan b d t bash katipi bilen téléfonlashti

türkiye awazi radiyosi xewiri: jumhur reislik mehkimisi uchur - alaqe ishliri idarisining bildürüshiche, ikki rehberning téléfon söhbitide, 24 – féwraldin buyan dawamlishiwatqan rusiye – ukraina urushi we qaradéngiz ashliq karidorigha munasiwetlik özgirishler heqqide muzakire élip bérilghan.

erdoghan, rusiye we ukraina rehberliri bilen élip barghan téléfon diplomatiyesi netijiside ashliq karidorining qaytidin ishqa kirishtürülüshidin xushal bolghanliqini eskertken, hemde emdi pütün diqqetni qaytidin istanbul kélishimi basquchining mudditini uzartishqa merkezleshtürüshning zörürlükini tekitligen.

süriyege ewetilgen chégra halqighan insanperwerlik yardem buyumliri mesilisi toghriliqmu toxtalghan jumhur reis erdoghan, birleshken döletler teshkilati xewpsizlik kéngishining bu yardemlerge munasiwetlik 10 –yanwar küni toshidighan qararining mudditini uzartish yolida körsitiliwatqan tirishchanliqlarning küchlük shekilde qollashqa érishishini kütüwatqanliqlirini otturigha qoyghan.

birleshken döletler teshkilati bash katipi antonyo gutérés bolsa, ashliq karidorining qaytidin ishqa kirishtürülüshide muhim rol oynighan tirishchanliqliri üchün erdoghangha minnetdarliq bildürgen.



مۇناسىۋەتلىك خەۋەرلەر