әрдоған б д т баш катипи билән телефонлашти
дөлитимиз (түркийә җумһурийити) җумһур рәиси рәҗәп таййип әрдоған бирләшкән дөләтләр тәшкилати баш катипи антонйо гутерес билән телефонда көрүшти.
түркийә авази радийоси хәвири: җумһур рәислик мәһкимиси учур - алақә ишлири идарисиниң билдүрүшичә, икки рәһбәрниң телефон сөһбитидә, 24 – февралдин буйан давамлишиватқан русийә – украина уруши вә қарадеңиз ашлиқ каридориға мунасивәтлик өзгиришләр һәққидә музакирә елип берилған.
әрдоған, русийә вә украина рәһбәрлири билән елип барған телефон дипломатийәси нәтиҗисидә ашлиқ каридориниң қайтидин ишқа кириштүрүлүшидин хушал болғанлиқини әскәрткән, һәмдә әмди пүтүн диққәтни қайтидин истанбул келишими басқучиниң муддитини узартишқа мәркәзләштүрүшниң зөрүрлүкини тәкитлигән.
сүрийәгә әвәтилгән чегра һалқиған инсанпәрвәрлик йардәм буйумлири мәсилиси тоғрилиқму тохталған җумһур рәис әрдоған, бирләшкән дөләтләр тәшкилати хәвпсизлик кеңишиниң бу йардәмләргә мунасивәтлик 10 –йанвар күни тошидиған қарариниң муддитини узартиш йолида көрситиливатқан тиришчанлиқларниң күчлүк шәкилдә қоллашқа еришишини күтүватқанлиқлирини оттуриға қойған.
бирләшкән дөләтләр тәшкилати баш катипи антонйо гутерес болса, ашлиқ каридориниң қайтидин ишқа кириштүрүлүшидә муһим рол ойниған тиришчанлиқлири үчүн әрдоғанға миннәтдарлиқ билдүргән.
