chawushoghlu lawrow bilen körüshti

türkiye awazi radiyosi xewiri: türkiye tashqi ishlar ministiri mewlüt chawushoghlu rusiye tashqi ishlar ministiri sérgéy lawrow bilen téléfonda körüshti.

türkiye tashqi ishlar ministirliqining bu heqte élan qilghan melumatigha asaslanghanda, ministir chawushoghlu bilen lawrow téléfon söhbitide ashliq karidori mesilisini muzakire qilghan.

dunya ashliq kirizisini hel qilish üchün türkiyening kordinatsiyesi astida tüzülgen ashliq yötkesh kélishimi, 22-iyul istanbulda jumhur reis rejep tayyip erdoghanning teshebbusi bilen, ukraina, rusiye, türkiye we b d t arisida imzalanghan idi.

rusiye 29-öktebir (2022) ukrainadin ashliq mehsulatlirining chiqirilishigha munasiwetlik kélishimni muddetsiz toxtatqanliqini élan qilghan idi.