چاۋۇشئوغلۇ گىرېتسىيەنىڭ ئەگە ئاراللىرى سىياسىتىنى تەنقىد قىلدى

تۈركىيە ئاۋازى رادىيوسى خەۋىرى: مىنىستىر مەۋلۈت چاۋۇشئوغلۇ پايتەخت ئەنقەرەدە ئۆتكۈزۈلگەن «تۈركىيەنىڭ ئەگە دېڭىزى ۋە شەرقىي ئاقدېڭىزغا مۇناسىۋەتلىك تاشقى سىياسىتى» تېمىلىق مۇھاكىمە يىغىنىدىكى سۆزىدە ئەگە دېڭىزىدىكى جىددىيلىك توغرىسىدا توختىلىپ: «جاۋابلىرىمىز گىرېتسىيەنىڭ ئوغىسىنى قاينىتىۋەتتى. ئەمەلىيەتتە، ئۇلار بىزنىڭ قانۇنىي دەلىللىرىمىزدىن قاتتىق بىئارام بولدى». دېدى.

ئۇ، تۈركىيەنىڭ جاۋابلىرى نەتىجىسىدە ئافىنا تەشۋىقاتلىرىنىڭ يىمىرىلگەنلىكىنى كۆرۈشكە باشلىغانلىقىغا ئىشارەت قىلىپ: «بىز، بىزنى قىرغاقلىرىمىزغا قاماپ قويدىغان <قىلىۋالدىم>لارنى قەتئىي قوبۇل قىلمايمىز. گىرېتسىيەنىڭ ھاۋا بوشلۇقى تەۋەلىكى تەشەببۇسىمۇ باشقا بىر ھەيران قالارلىق نۇقتا» دېدى.

چاۋۇشئوغلۇ، گىرېتسىيەنىڭ ئاز سانلىق مىللەتلەرنىڭ ھوقۇقى ۋە ئەركىنلىكىگە دەخلى-تەرۇز قىلغانلىقىنى تىلغا ئېلىپ: «ئۇلار ياۋروپا كىشىلىك ھوقۇق سوتىنىڭ قارارلىرىنى ئىجرا قىلمايۋاتىدۇ» دېگەنلەرنى قەيت قىلدى.

ئۇ مۇھاكىمە يىغىنىدىن كېيىن مۇخبىرلارنىڭ سوئاللىرىغا جاۋاب بېرىپ: «ئۇلار تۈركىيەگە قارشى تۇرۇشنىڭ نېمىدىن دېرەك بېرىدىغانلىقىنى ئوبدان بىلىدۇ» دېدى.

مىنىستىر چاۋۇشئوغلۇ، گىرېتسىيەدىكى ئامېرىكا بازىلىرى توغرىسىدا توختىلىپ: «ئۇلار بۇلارنىڭ رۇسىيەگە قارشى ئىكەنلىكىنى ئېيتىۋاتىدۇ، ئەمما قايىل قىلارلىق ئەمەس. ئامېرىكانىڭ تارازىسى ۋە شىنىسى بۇزۇلدى. بىز بۇلارنىڭ گىرېتسىيەنى ھەل قىلىش چارىسىدىن يىراقلاشتۇرۇۋاتقانلىقىنى ئېيتتۇق» دېدى.