türkiyening tughma tokluq, eqliy iqtidarliq tunji yerlik aptomobili <TOGG> yollarda
türkiyening yerlik aptomobili ning ishlepchiqirish bazisi bolghan bursa gemliktiki zawuti jumhur reis rejep tayyip erdoghan teripidin échildi.
türkiye awazi radiyosi xewiri: türkiyening yerlik aptomobili <TOGG> jumhur reis erdoghanning ishtirak qilishi bilen türkiye jumhuriyiti qurulghanliqining 99 - yilliqi munasiwiti bilen resmiy pütüp yolgha chiqti.
<TOGG> ning bursa gemliktiki zawuti nurghunlighan yerlik we chetellik méhmanlarni qarshi aldi.
bursaning gemlik nehiyesidiki murasimgha qatnashqan ishtirakchilar 1961 – yili türkiyening 4 – jumhur reisi jemal gurselning yolyoruqi bilen ishlepchiqirilghan we türkiyening tunji yerlik aptomobili bolghan <Devrim> markiliq aptomobil bilen birge «TOGG» ning dala we pikap modéllirining körgezme qilinghanliqini zor qiziqish bilen kördi.
yil axiridin burun robotlar arqiliq türkümlep ishlepchiqirishni bashlaydighan zawutta, 2030 - yilghiche birla bazidin 5 xil oxshimighan modélda jemiy 1 milyon aptomobil ishlepchiqirish pilanlanmaqta.
«TOGG» shirkitining ning yuqiri derijilik bashqurghuchisi gurjan qaraqash échilishtin ilgiri élan qilghan bayanatida, «töt yérim yilliq tirishchanliqimizning axirigha yétip kelgenlikimizdin xushalmiz. dunya miqyasida riqabetke teyyarmiz» dédi.
2023-yilining birinchi peslide türkiyening tughma tokluq, eqliy iqtidarliq yerlik aptomobili <TOGG> ning <C SUV> dala mashinishi modéli bazargha sélinidu.
türkiyening eqliy iqtidarliq aptomobili «TOGG», «anadolu», «gemlik» , «oltu» , «kula», «kapadokya» we «pamuqqele» namliq türkiyening rengliri bilen yollarda bolidu.
