xulusi aqar: <way sewenlik boptu> déyishlerge hergiz yol qoymaymiz

türkiye awazi radiyosi xewiri: xulusi aqar «étish erkin 2022»  herbiy manéwirining alahide közetküchiler küni paaliyetliri dairisde uyushturulghan yighinda söz qildi.

girétsiyening yéqinqi mesililiri üstide toxtilip, «bu mesililerni öz-ara muzakire we diyalog arqiliq hel qilghili bolidighanliqigha ishinimiz. biz bu pozitsiyemizni qetilik bilen dawamlashturiwatimiz. emma yene bir tereptin, < sewenlik boptu> déyishlerge we yaxturulmaydighan ehwallarning körülishige hergiz yol qoymaydighanliqimiznimu hemmeylen bilip qoyishi lazim. türkiye bolush süpitimiz bilen biz hemishe mesuliyetchan, éhtiyatchan we sewrchan siyasetni yolgha qoyup kéliwatimiz» dédi.

türkiyening bir dölettin kütülginidek heriket qilip kéliwatqanliqini eskertken xulusi aqar sözini dawamlashturup, «tirishchanliqimizning axirqi meqsiti tinchliq we muqimliqqa kapaletlik qilishtur. aldinqi hepte biz biryussélda ötküzülgen shimaliy atlantik ehdi teshkilati dölet mudapie ministirliri yighinida girétsiye dölet mudapie ministiri nikolas panagiyotopulos bilen körüshtuq. etrapliq we uzun muddetlik hel qilish charisi üchün muzakiriler we uchrishishlarda bulishimiz kéreklikini éyttuq. yaxshi qoshnidarchiliq munasiwiti ichide, bu mesililerni xelqara qanun dairiside hel qilghili bolidighanliqini bayan qilduq. mesilige üchinchi terepni qatnashturmastin özara ikki qoshna, ikki ittipaqdash bolush süpitimiz bilen semimiy diyalog arqiliq mesililirimizni hel qilghili bolidighanliqigha hazirmu ishinimiz. türkiye héchkimge tehdit emes, türkiye küchlük, ishenchlik we ünümlük ittipaqdashtur, buni hemmeylen  bilishi kérek» dédi