шәнтоп һиндонезийәдә

түркийә бүйүк милләт мәҗлиси башлиқи мустафа шәнтоп, 20 дөләт гуруһи парламент башлиқлири йиғиниға қатнишиш үчүн йетап барған һиндонезийәдә, авам палатасиниң башлиқи пуан махарани билән көрүшти.

1889269
шәнтоп һиндонезийәдә
sentop-ukrayna meclis baskani.jpg
endonezya maharani-sentop.jpg

түркийә авази радийоси хәвири: шәнтоп, махарани билән елип барған учришишида, һиндонезийәдә маарип  ишлири билән ниқаблинип паалийәт  елип бериватқан фәтһуллаһчи террорлуқ тәшкилати билән четишлиқ 11 мәктәпниң барлиқини ейтти.

һиндонезийә даирилирини бу мәктәпләрниң түркийә маарип фондиға өткүзүп берилиши үчүн хизмәт ишләшкә чақирған шәнтоп, мундақ дәп көрсәтти: «фәтһуллаһчи террорлуқ тәшкилати, бир террорлуқ тәшкилатидин болуштин сирт йәнә, диний вә мәниви һес – туйғуларни суйиистемал қилишта устилашқан бир җинайәт гуруһидур.»

икки дөләт мунасивәтлириниң наһайити зор әһмийәткә игә икәнликини әскәрткән шәнтоп, парламентлар ара давамлишиватқан учур – алақиләрниң, һәмкарлиқни сақлап қелишта муһим рол ойнаватқанлиқини қәйт қилди.

у, малаң шәһиридә өткүзүлгән путбол мусабиқисидә йүз бәргән қистаңчилиқта һайатидин айрилғанлар үчүн тәзийә билдүрди, йариланғанларға шипалиқ тилиди.

шәнтоп, һиндонезийәдики учришишлири даирисидә, украина муавин парламент башлиқи олена кондратиукни қобул қилған, учришишта, русийә билән украина оттурисида узақ мәзгиллик тинчлиқ орнитишни ишқа ашуруш үчүн давамлиқ тиришчанлиқ көрситидиғанлиқлирини тәкитлигәниди.



مۇناسىۋەتلىك خەۋەرلەر