миллий истихбарат тәшкилати п к к ниң аталмиш кобани мәсулини бир тәрәп қилди

миллий истихбарат тәшкилати сүрийәниң шималидики әйн әләрәб районида бөлгүнчи террорлуқ тәшкилати п к к/й п г ниң аталмиш кобани өлкиси мәсули һәсән дәмирташни бир тәрәп қилди.

1889182
миллий истихбарат тәшкилати п к к ниң аталмиш кобани мәсулини бир тәрәп қилди

түркийә авази радийоси хәвири: бөлгүнчи террорлуқ тәшкилати п к к/й п г ниң аталмиш кобани өлкиси мәсули «кочәр амәд» тәхәллуслуқ һәсән дәмирташ, миллий истихбарат тәшкилати тәрипидин бир тәрәп қилинди.

һәсән дәмирташниң, 2001 – йили бөлгүнчи террорлуқ тәшкилати п к к/й п г ниң сепигә қетилғанлиқи, түркийә дөләт хәвпсизлик күчлиригә қарши һаққари, тунҗәли вә загрос қишлақлирида узун йиллар паалийәт елип барғанлиқи билдүрүлди.

игилинишичә, 2011 – йили, тубҗәли/оваҗиқ җумһурийәт тәптиши мурат узун вә пуқрави бир таксичиниң шеһит қилиниши һәрикәтлиригә биваситә қатнашқанлиқи үчүн тутуш буйруқи чиқирилған һәсән дәмирташ, шу вәҗидин, миллий истихбарат тәшкилатиниң «бир тәрәп қилинидиғанлар тизимлики» гә киргүзүлгән.

бу даиридә, миллий истихбарат тәшкилати, саһәдики ахбарат хадимлири йәткүзгән мәлуматларға асасән, дәмирташни, кобани шәһәр мәркизидә елип барған һәрикәт нәтиҗисидә бир тәрәп қилған.



مۇناسىۋەتلىك خەۋەرلەر