chawushoghlu éstoniye wekilliri bilen körüshti

dölitimiz (türkiye jumhuriyiti) tashqi ishlar ministiri mewlüt chawushoghlu, éstoniye parlaménti tashqi ishlar komitéti reisi marko mixkélson we mezkur komitétning ezalirini qobul qildi.

1889227
chawushoghlu éstoniye wekilliri bilen körüshti

türkiye awazi radiyosi xewiri: ministir mewlüt chawushoghlu ijtimaiy taratqudiki adrésida, paytext enqerede éstoniye parlaménti tashqi ishlar komitéti wekilliri bilen körüshüp, ukrainaning nöwettiki weziyiti we shimaliy atlantik ehdi teshkilati — natoning kéngiyishi toghrisida pikir almashturghanliqini bildürdi.

bu jeryanda, ministir chawushoghlu afghanistanning sabiq prézidénti hamid karzay, birleshken döletler teshkilatining afghanistan alahide wekillikige teyinlengen qirghizistanning sabiq pirézidénti roza otunbayéwa we chéxiye tashqi ishlar ministiri yan lipawiskiy qatarliqlar bilen ayrim – ayrim téléfon söhbiti ötküzdi.

türkiye jumhuriyiti tashqi ishlar ministirliqining bu heqtiki waqiplandurush uchurida, chawushoghluning otunbayéwani tebrikligenliki we chéxiyelik mensepdishi bilen yawropa siyasiy ortaq gewdisi bashliqlar yighini toghrisida sözleshkenlikige isharet qilip ötüldi.

bayanatta, ministir mewlüt chawushoghluning hamid karzay bilen ötküzgen uchrishishining mezmunigha dair uchurlargha orun bérilmidi.


خەتكۈچ: #uyghurche , #éstoniye , #türkiye

مۇناسىۋەتلىك خەۋەرلەر