әрдоған «түркийә әсири»ни хәлқ билән бирликтә бәрпа қилимиз, деди

җумһур рәис, қошумчә адаләт вә тәрәққийат партийәси рәиси әрдоған, партийәсиниң түркийә бүйүк миллий мәҗлиси (парламенти)дики гуруппа йиғинида сөз қилди.

1888812
әрдоған «түркийә әсири»ни хәлқ билән бирликтә бәрпа қилимиз, деди

түркийә авази радийоси хәвири: һөкүмитиниң түркийәни йеқинқи 20 йилда бир әсирлик хизмәт вә мулазимәтләргә ериштүргәнликини билдүргән җумһур рәис рәҗәп таййип әрдоған, буниңдин кейинму <түркийә әсири>ни хәлқ билән бирликтә вуҗудқа чиқиридиғанлиқини билдүрди.

әрдоған,  15 - ийундин буйан дөләт ичи вә сиртида нурғун йиғин, мурасим вә паалийәтләргә қатнишип, дөләт вә хәлқкә хизмәт қилишни давамлаштуруватқанлиқлирини тәкитләп: «бир тәрәптин, әсәр қалдуруш вә хизмәт қилиш сийаситимизниң мәһсули түрләрни хизмәткә кириштүрүш һайаҗинини хәлқимиз билән бирликтә баштин кәчүргән болсақ, йәнә бир тәрәптин, түркийәниң хәлқара сәһнидики күчи вә тәсирини күчәйтидиған алақиләрни орнитишни давамлаштурдуқ» деди.

«вәдә қилғинимиздәк, биз чоң вә қудрәтлик түркийәниң хишлирини бир - бирләп қойуватимиз, уни илмәк-илмәк тоқуватимиз, тәр сиңдүрүп йүксәлтиватимиз. биз күнимизниң һәр бир дәқиқисини, һәптиниң, айниң, йилниң һәр бир күнини күчлүк сөйгү, қизғинлиқ, ирадә вә қәтийлик билән ишләп өткүзүватимиз» дегән әрдоған, сөзини давамлаштуруп: «түркийәни йеқинда 20 йилда бир әсирлик хизмәт вә мулазимәтләргә ериштүргинимиздәк, иншааллаһ, буниңдин кейинму <түркийә әсири>ни хәлқ билән бирликтә вуҗудқа чиқиримиз» деди.

ийун ейида өткүзүлидиған сайламниң шоарини «түркийә әсири» дәп бекиткәнликлирини, хизмәтләрниму мушуниңға асасән давамлаштуридиғанлиқлирини тәкитлигән әрдоған: «иншааллаһ, 2023 – йили хизмәткә кириштүридиған чоң түрлиримиз вә хәлқимизниң баһасиға сунидиған қарашлиримиз билән пәрқлиқ нуқтиларға келимиз» дегәнләрни қәйт қилди.

мәбләғ селиш, ишқа орунлаштуруш, ишләпчиқириш, експорт қатарлиқлар арқилиқ дөләтни тәрәққий қилдуридиған қәдәмләрни бир  - бирләп ташлаватқанлиқлирини билдүргән әрдоған: «йәр шари иқтисадий киризис тәрәққий тапқан дөләтләрниму тәвритип қойған бир пәйттә, биз иқтисадий ешишни қолға кәлтүрүшни давамлаштурдуқ» деди.



مۇناسىۋەتلىك خەۋەرلەر