erdoghan: biz musulmanliqimizning telipini orunlawatimiz
jumhur reis rejep tayyip erdoghan girétsiye bash ministiri kiryakos michotakisning türkiyege tutuwatqan pozitsiyesini qattiq tenqid qildi.
türkiye awazi radiyosi xewiri: jumhur reis rejep tayyip erdoghan paytext enqerede ötküzülgen «xelqara qariyliq we quran kerim tilawiti musabiqisi mukapatlash murasimi»da söz qilip: «türkiye déyilgen haman, kishilerning eqlige iqtisadi, mudapiesi, herbiy qabiliyetliri, wijdani we insaniy kirizisler aldidiki pirinsipal meydani bilen alahide gewdilengen bir dölet kélidu» dédi.
«biz qizil bayraq lepildigen hemmila yerde puqralirimiz hemde u yerlerde yashaydighanlar üchün ishench we adaletke wekillik qilimiz, yüz milyonlighan zulumgha uchrighuchi we bigunah kishilerning ümidige aylinishning éghir mesuliyitini qelbimizde hés qilimiz» dégen erdoghan, sözi esnasida girétsiye bash ministiri michotakisni tenqid qilip: «biz girétsiye paraxotlirining ashu bigunah we bichare kishilerni ege déngizi we aqdéngizgha qandaq depne qilghanliqini körüp turuwatimiz. dunya awaz chiqardimu? yaq. bizning qoghdighuchilirimiz uchqandek bérip, ularni déngizdin qutulduruwéliwatidu. chünki biz musulman. biz musulmanliqimizning telipini orunlawatimiz. hazir, girétsiye bash ministiri amérikadin türkiyege qarshi yardem sorawatidu. néme qilsang qil, biz hemishe qilishqa tégishlik ishlarni qilimiz, qilishqa teyyarmiz» dédi.
